ޕާޓީ ބަދަލުކުރާ މެމްބަރުން މަޖިލިސް މެމްބަރުކަމުން ވަކިކުރެވޭ ބިލެއް އިދިކޮޅު އެމްޑީޕީން ހުށަހަޅައިފިއެވެ.
މިއަދު އެމްޑީޕީގެ ޕާލަމެންޓްރީ ގްރޫޕުން ބޭއްވި ނޫސްވެރިންގެ ބައްދަލުވުމުގައި ތުޅާދޫ ދާއިރާގެ މެމްބަރު ހިސާން ހުސައިން ވަނީ އެ ބިލްގައިވާ މުހިންމު ކަންތައްތަކުގެ ތަފްސީލު ހިއްސާ ކުރައްވާފައެވެ.
ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި ވެސް އެފަދަ ގާނޫނެއް ވުޖޫދަށް ނެގައެވެ. ނަމަވެސް އެ ގާނޫނު އެކުލަވާލާފައި ވަނީ ސިޔާސީ ޕާޓީތަކަށް ނާޖާއިޒު ފައިދާ ނެގޭ ގޮތަށެވެ.
އެއާ ޚިލާފަށް މިހާރު ހުށަހަޅާފައިވާ ބިލްގައިވާގޮތުން ސިޔާސީ ޕާޓީއަކުން އެ މެމްބަރަކު ވަކިކޮށްފިނަމަ، އެ މެމްބަރަކު މަޖިލިސް މެމްބަރެއްގެ ގޮތުގައި ބަހައްޓަން ރައްޔިތުންނަށް ފެނޭތޯ ނުވަތަ ނޫންތޯ ބެލުމަށް އިލެކްޝަންސް ކޮމިޝަނުން ވޯޓެއް ނެގުން ލާޒިމްވާނެއެވެ. އަދި އެ ވޯޓުން އެ މެމްބަރު އިތުރަށް ބަހައްޓަން ނުފެންނަ ކަމަށް ރައްޔިތުން ނިންމައިފިނަމަ، އެ މެމްބަރެއްގެ ގޮނޑި ގެއްލޭނެ ކަމަށް އެ ބިލްގައި ވަނީ ހިމަނާފައެވެ.
މީގެއިތުރުން އަމިއްލަ އަށް ސިޔާސީ ޕާޓީން ވަކިވެއްޖެނަމަ، އެފަދަ މެމްބަރަކު މަޖިލިސް މެމްބަރުކަމުން އިސްތިއުފާ ދެއްވަންޖެހޭނެ ކަމަށް ވެސް އެ ބިލްގައި ހިމަނާފައިވެއެވެ.
”ސިޔާސީ ޕާޓީތަކުގެ މައްޗަށް މެންބަރުންގެ ފުލް ކޮންޓްރޯލް ނޯންނަ ގޮތަކަށް ނަމަވެސް ރައްޔިތުންގެ މި ކަންބޮޑުވުމަށް ވެސް އަޅުގަނޑުމެންނަށް އެޑްރެސް ކުރެވޭ ގޮތަށް މިހާރު މި ބިލް ފަރުމާ ކުރެވިފައި މި އޮތީ،“ ހިސާން ވިދާޅުވިއެވެ.
ހިސާން ވިދާޅުވީ އެ ބިލް އެޖެންޑާ ކުރުމުގައި ދަތިތަކެއް އެބަހުރި ކަމަށެވެ. ނަމަވެސް އޭގެ ތަފްސީލެއް ނުދެއްްވައެވެ.

ގުޅުންހުރި
ސަރުކާރުގެ މައި ޖަލާއި އިސްލާހީ ރަށް ހަދައިދޭ ބަޔަކަށް ދ. ވާނީ
ގޭމާސް ކްލަބްގެ 3އޮން3 ފުޓްސެލް މުބާރާތުގެ މީޑިއާ ޕާޓްނަރަކަށް ހަފްތާ
ރާއްޖެ ފަދަ ކުޑަ ގައުމެއްގައި ރައީސަކު ހުވާކުރަން ޖެހޭނީ ސާފު އަގުލަބިއްޔަތު
ރައީސްގެ ވަޓްސްއެޕް ޗެނަލެއް، 6 ގަޑިއިރު ތެރޭ 2،000 މީހުން ވަދެއްޖެ
މިއަދަކީ އެކްސްޕޯ 2025 ގެ ފަހު ދުވަސް، 40 އެގްޒިބިޓަރުން ބައިވެރިވި!
ކޮރަޕްޝަންގެ މައްސަލައެއް ބަލަން އޭސީސީ އާއި ފުލުހުން، އެގްރިކަލްޗާ މިނިސްޓްރީއަށް ވަދެއްޖެ