ރައްޔިތުންގެ މަޖިލީހުގެ އިންތިހާބުގައި ވާދަކުރަން އިތުރު ފުރުސަތެއް ހޯދުމަށް ހިތަދޫ މެދުދާއިރާގެ މެންބަރު ޗެކްމާކް އަހުމަދު ރަޝީދު ހައި ކޯޓަށް ހުށަހެޅުއްވި މައްސަލަ ބަލައިނުގަންނަން ހައި ކޯޓުން ނިންމައިފިއެވެ.
އެ މައްސަލައާ ގުޅިގެން ހައި ކޯޓުގެ ރަޖިސްޓާގެ ނިންމުމުގައި ބަޔާންކޮށްފައިވަނީ ރަޝީދު ހުށަހެޅި މައްސަލަ ހައި ކޯޓަށް ނުބެލޭނެ ކަމަށެވެ. އިންތިހާބުގައި ކުރިމަތިލުމަށް ހުށަހަޅާ ހުށަހެޅުމަކާ ގުޅޭ ގޮތުން އިލެކްޝަންސް ކޮމިޝަނުން ނިންމާ ނިންމުމާ ބެހޭ މައްސަލަ ހުށަހަޅަން ޖެހެނީ ސުޕްރީމް ކޯޓަށްކަމަށް ރަޖިސްޓާގެ ނިންމުގައި ބަޔާންކޮށްފައިވެއެވެ.
ދަ ޑިމޮކްރެޓްސްގެ ފަރާތުން ހިތަދޫ މެދު ދާއިރާއަށް ވާދަކުރެއްވުމަށް ނަން ހުށަހެޅުމަށްފަހު ރަޝީދު ވަނީ ނަން އަނބުރާ ގެންގޮސްފައެވެ.
އެނގިފައިވާ ގޮތުގައި ރަޝީދު އޭނާގެ ނަން އަނބުރާ ގެންދެވީ ރޯދަމަސް ތެރެއަށް އިންތިހާބު ވަންނާތީއެވެ. ނަމަވެސް ފަހުން އިންތިހާބު ރޯދައިގެ ފަހަށް ބަދަލުކުރުމުން އޭނާ ވަނީ ވަނީ ހިތަދޫ މެދު ދާއިރާއަށް ވާދަކުރަން އީސީއަށް ފޯމު ހުށަހަޅައިފައެވެ. އީސީން ނިންމީ ފޯމު ބަލައިނުގަތުމަށެވެ.
ގުޅުންހުރި
ގައުމު ހިންގަން ރައީސަށް ހައްދުފަހަނައަޅާ ވަރަށް ބާރުތައް ދޭންޖެހޭ: އިބްރާހިމް ދީދީ
ބައިނަލްއަގުވާމީ 3 ޖަމިއްޔާއަކަށް މަންދޫބުން ކަނޑައެޅުމަށް ދިރާސާކުރަން ކޮމިޓީއަށް
އަންހެނުންގެ ކޮމިޓީތަކަށް ރޯދަ އެލަވަންސް ދިނުމަށް އިސްލާހު ހުށަހަޅައިފި
ސަރުކާރުން، ދަރުމަވަންތަ ހޮސްޕިޓަލްގެ މަޝްރޫއަށް ޓެކްސް ދެއްކުން މަޑުޖައްސާލަން އަމުރުކޮށްފި
ރައީސް މުއިއްޒު، ރިޔާސީ ބަޔާން އިއްވާއިރު ރިޔާސަތު ބަލަހައްޓާނީ އަބްދުއްރަހީމް
އޭސީސީއަށް ހައިކޯޓުން ވެސް ނާކާމިޔާބު، ޕޮލިސް ޕްރޮމޯޝަން ހުއްޓުވުމުގެ އަމުރެއް ނުދިން