ފ. ނިލަންދޫ ރައްޔިތުން ތަރައްގީގެ ސަފުން ބާކީ ވެދާނެތީ މަޔޫސްވެގެން ނުވާނެ ކަމަށާއި ސަރުކާރުން ނިލަންދޫ ތަރައްގ ީކޮށްދެއްވާނެކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މުއިއްޒު، ނިލަންދޫއަށް މިއަދު ވަޑައިގެން މިރޭ އެ ރަށު ރައްޔިތުންނާ ބައްދަލުކުރައްވައި ވިދާޅުވީ ނިލަންދޫގެ ތަރައްގީއަށް ބޭނުންވާ ހުރިހާކަމެއް ސަރުކާރުން ކޮށްދޭނެ ކަމަށެވެ. އެގޮތުން ރައްޔިތުން ބޭނުންވާ ގޮތަށް އެންމެ ޒަމާނީ ފެންވަރުގެ އެއާޕޯޓެއް ނިލަންދޫގައި ހަދައިދޭނެކަމަށް ރައީސް ވިދާޅުވިއެވެ.
”މާޔޫސްކަން ދޫކޮށްލާ. އެދިވަޑައިގެންނެވި ކަންކަމުގެ އިތުރަށް ކުރާނެ ކަންކަން އެބަހުރި. މިރަށަށް އޮތީ ފުރިހަމަ ޕްލޭނެއް. މި އަތޮޅުގެ ރައްޔިތުން ފަހުރުވެރިވާނެފަދަ އާބަން ސެންޓަރަކަށް ހަދައިދޭނަން“ ރައީސް ވިދާޅުވިއެވެ.
އެއާޕޯޓު ތަރައްގީ ކުރުމަށް ބޭނުންވާ ބިން ހިއްކުމުގެ މަސައްކަތް މިހާރު ވަނީ ފެށިފައި ކަމަށް އެ މަނިކުފާނު ވިދާޅުވިއެވެ. އެއާޕޯޓް ތަރައްގީކުރާނީ 1،800 މީޓަރުގެ ދިގު ރަންވޭއަކާއެކުކަމަށް ރައީސް ވިދާޅުވިއެވެ. އަދި ވިދާޅުވީ ނިލަންދޫގެ އެއާޕޯޓު ތަރައްގީ ކުރާނީ ޕްރައިވެޓް ޖެޓުތަކަށް ލޭންޑްކުރެވޭ ފެންވަރަށް ކަމަށެވެ.
އެ މަނިކުފާނު ވިދާޅުވީ ނިލަންދޫގެ ފަޅުގެ ތެރޭގައި ދެ ރިސޯޓަކާއި ސިޓީ ހޮޓަލެއް ތަރައްގީކޮށްދޭނެ ކަމަށެވެ. އަދި ނިލަންދޫގެ މަގުތައް ޒަމާނީ ފެންވަރަކަށް ހަދައި، ނަރުދަމާއަށް ދިމާވެފައިވާ މައްސަލަ ހައްލުކޮށް ދިނުމުގެ އިތުރުން ހޮސްޕިޓަލުގެ އާ އިމާރަތް ހަދައިދޭނެ ކަމަށެވެ.

ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
މުސާރަ ކުޑަކޮށްފި ނަމަ ކެމްޕެއިނަށް ނެގި އެތައް މިލިއަނެއްގެ ދަރަނި އަދާނުކުރެވޭނެ:
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް