ހުޅުމާލޭގައި ދެ މިސްކިތް އަޅަން ބޭނުންވާ ބިން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ފަރާތުން އިސްލާމިކް މިނިސްޓްރީއާ މިއަދު ހަވާލުކޮށްފި އެވެ.
އިސްލާމިކް މިނިސްޓްރީއާ މިއަދު ހަވާލުކުރީ ހުޅުމާލެ ފޭސް 2 އިން 27،920 އަކަފޫޓުގެ ބިމަކާއި ހުޅުމާލެ ފޭސް 3 އިން 21،952 އަކަފޫޓޫގެ ބިމެކެވެ. މިއީ ތަނެއް އިމާރާތް ކުރަން ހުޅުމާލެ 3 އިން ބިމެއް ދޫކުރި ފުރަތަމަ ފަހަރެވެ.
މިސްކިތް އަޅަން ބިން ހަވާލުކުރުމުގެ އެއްބަސްވުމުގައި އެޗްޑީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އިބްރާހިމް ފަޒުލް ރަޝީދެވެ. މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. މުހައްމަދު ޝަހީމް އަލީ ސައީދެވެ.
