މިދިޔަ އާދީއްތަ ދުވަހު ބޭއްވި ރައްޔިތުންގެ މަޖިލީހުގެ އިންތިހާބުގައި ބިލެތްދޫ ދާއިރާއަށް ވާދަކުރެއްވި އެ ދާއިރާގެ މިހާރު ވެސް މެމްބަރު އަހުމަދު ހަލީމް (ދޮންބިލެތް) އަށް ގޮނޑި ކާމިޔާބު ނުކުރެވުނީ އެންމެ ނުވަ ވޯޓުގެ ތަފާތުން ކަމަށް އިލެކްޝަންސް ކޮމިޝަން (އީސީ)ގެ ވަގުތީ ނަތީޖާއިން ދައްކައިފިއެވެ.
ބިލެތްދޫ ދާއިރާގައި ވޯޓުލުމުގެ ހައްގު 2،459 މީހަކަށް ލިބުނުއިރު ވޯޓު ލާފައިވަނީ 2،197 މީހުންނެވެ. އޭގެ ތެރެއިން 72 ވޯޓަކީ ބާތިލް ވޯޓެވެ.
އެ ދާއިރާއަށް ވާދަކުރެއްވީ އެމްޑީޕީގެ ފަރާތުން ދޮންބިލެތާއި ޕީއެންސީގެ ފަރާތުން އަހުމަދު އަސްލަމެވެ.
އީސީގެ ވަގުތީ ނަތީޖާ ދައްކާ ގޮތުން އަސްލަމަށް ލިބިވަޑައިގަތީ 1،067 ވޯޓެވެ. ދޮންބިލެތް ހަލީމަށް ލިބިވަޑައިގަތީ 1،058 ވޯޓެވެ. އެހެންކަމުން ދޮންބިލެތް ހަލީމުގެ މައްޗަށް އަސްލަމް ކުރި ހޯދީ ނުވަ ވޯޓުގެ ތަފާތަކުންނެވެ.
އެހާ ކުޑަ ތަފާތެއް އާންމުކޮށް ފެންނަ ވޯޓު ފޮށިތައް އަލުން ގުނުމަށް ޕާޓީތަކުގެ ފަރާތުން އީސީގައި އެދެ އެވެ. ނަމަވެސް މިފަހަރުގެ މަޖިލިސް އިންތިހާބުގައި ވޯޓު ފޮށި އަލުން ގުނުމަށް އެއްވެސް ޕާޓީއަކުން ނުވަތަ ކެންޑިޑޭޓަކު އަދި ފޮނުވައިފައެއް ނުވެ އެވެ.
ގުޅުންހުރި
މެންބަރުކަން ގެއްލުވާލުމުގެ ބާރު ސިޔާސީ ޕާޓީއަށް ދިނުމުން ރައްޔިތުންގެ ބާރު ގެއްލޭ:
މަނާކުރަންވީ ފަލަސްތީނުގައި ގަތުލުއާންމު ހިންގާ މީހުންގެ ޕާސްޕޯޓް އެކަނި: ނާޒިމް
މަޖިލީހުގެ ގާނޫނީ ހައިސިއްޔަތާ މެދު ސުވާލު އުފެދިއްޖެ، ކޯޓަށް ދާން މަޝްވަރާކުރާނަން:
އިޒްރޭލު ޕާސްޕޯޓް މަނާކުރާ ބިލާ ގުޅޭ ގަރާރު ބޭރުކުރީ އެމްޑީޕީގެ ހެޔޮނިޔަތް
މިއަދު އެ ފެނުނީ ޕީއެންސީގެ މެންބަރުން އަމިއްލަ މަސްލަހަތު ކުރިއަށް ނުނެރޭނެކަން:
ޕާޓީ ބަދަލުކުރުމުން މެންބަރުކަން ގެއްލޭ އިސްލާހު ރައީސް ވަގުތުން ތަސްދީގު ކުރައްވައިފި