އިސްރާއީލުން ޝަހީދުކޮށްލި ޣައްޒާގެ މާބަނޑު އަންހެނެއްގެ ބަނޑުން ނަގައި ސަލާމަތްކުރި ތުއްތު ކުއްޖާވެސް ނިޔާވެއްޖެ އެވެ.
ބަނޑަށް ފަސް މަސް ވެފައި އިން ސަބްރީން އަލް ސަކާނީ ނަމަކަށް ކިޔާ އެ އަންހެން މީހާ ޝަހީދުކޮށްލީ މިލިއަނަކަށްވުރެ ގިނަ މީހުން ތޮއްޖެހިގެން ފޭލިގެތަކުގައި އުޅޭ ރަފާގައި އިޒްރޭލު ސިފައިން މިދިޔަ އާދީއްތަ ދުވަހުގެ ރޭ ދިން ހަމަލާއެއްގަ އެވެ.
ދެ ގެއަކަށް އިޒްރޭލުން އެރޭ ދިން ހަމަލާގައި 19 މީހަކު ޝަހީދުކޮށްލި އިރު، އޭގެ ތެރޭގައި މާބަނޑު އަންހެން މީހާގެ ފިރިމީހާ އާއި މަލަކް ނަމަކަށް ކިޔާ އެ ދެމަފިރިންގެ އަންހެން ދަރިފުޅުވެސް ހިމެނެ އެވެ. އޭގެ އިތުރުން އެއް އާއިލާއަކަށް ނިސްބަތްވާ 13 ކުދިންވެސް ހިމެނެ އެވެ.
މާބަނޑު އަންހެން މީހާގެ ބަނޑުން ކުއްޖާ ސަލާމަތް ކުރީ ރަފާގައި ހުންނަ އިމަރާތީ ހޮސްޕިޓަލަށް ގެންގޮސް އިމަޖެންސީ ސީ ސެކްޝަނެއް ހަދައިގެންނެވެ. ބަރުދަނުގައި 1.4 ކިލޯ ހުރި އެ ކުއްޖާއަށް ކިއީ ސަބްރީން އަލް ރޫހެވެ.
އެ ކުއްޖާއަށް ފަރުވާ ދެމުންދިޔަ އިމަރާތީ ހޮސްޕިޓަލުގެ އިމަޖެންސީ ނިއޯ-ނޭޓަލް ޔުނިޓުގެ ވެރިޔާ ޑރ. މުހައްމަދު ސަލަމާ ވިދާޅުވީ ރޫހު ނިޔާވީ ނޭވާލާ ނިޒާމުގެ މައްސަލަތަކެއް ދިމާވުމުގެ އިތުރުން ދިފާއީ ނިޒާމު ބަލިކަށިވުމުގެ ސަބަބުން ކަމަށެވެ.
”އަހަންނާ އެހެން ޑޮކްޓަރުން އެ ތުއްތު ކުއްޖާ ސަލާމަތް ކުރެވޭތޯ ވަރަށް ބެލި. އެކަމަކު ކުއްޖާ ނިޔާވީ. އަހަންނަށް އެއީ ވަރަށް އުދަނގޫ އަދި ހިތްދަތި ދުވަހެއް. އެ ކުއްޖާ ސަލާމަތް ކުރީ ނޭވާލާ ނިޒާމު ރަނގަޅަށް މެޗުއާ ނުވަނީސް. އަދި ދިފާއީ ނިޒާމުވެސް ވަރަށް ބަލިކަށި. ނިޔާވި ސަބަބަކީ އެއީ. އެ ކުއްޖާގެ އާއިލާއާ އެ ގުޅުނީ ޝަހީދެއްގެ ގޮތުގައި،“ ސަލަމާ ވިދާޅުވި އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ކައުންސިލްތަކުގެ ހަރަދު ކުޑަކުރަން ދަތުރުތަކާއި ހަފުލާތަކާއި މުބާރާތްތައް ނުބާއްވަން އަންގައިފި
ޒިނޭކުރި ދެ މީހެއްގެ ގައިގައި 100 އެތިފަހަރުން ހައްދު ޖަހަން ހުކުމްކޮށްފި
މި ވަގުތަކީ ވެރިކަމަށް އަންނަންވީ ވައުދާ މެދު ވިސްނަންވީ ވަގުތެއް ނޫން:
ރައީސްގެ ނަސޭހަތެއް: ކާމިޔާބު ހޯދަން، ނަފުސަށް އިތުބާރުކޮށް މަންޒިލަށް ދެވެންދެން މަސައްކަތްކުރޭ
ސިޔާސީ މަގާމުތަކުގެ އަދަދާއި ކުރާހޭދަ ހާމަކުރަން ސަރުކާރު މެންބަރުން ބޭނުމެއް ނުވި
ފޭކް ސްލިޕް ފޮނުވައިގެން 172،000ރ. ގެ މުދާ ހޯދި މީހަކު ޖަލަށް