މާލޭ އިންޑަސްޓްރިއަލް ވިލެޖް ސާފުކޮށް އެތަނުން 928 ޓަނުގެ ކުނި ނަގައިފައިވާ ކަމަށް ވޭސްޓް މެނޭޖްމެންޓް ކޯޕަރޭޝަން (ވެމްކޯ)އިން ބުނެފިއެވެ.
މާލޭ ސިޓީ ކައުންސިލުން ވަނީ މިދިޔަ ހޮނިހިރު ދުވަހު އިންޑަސްޓްރިއަލް ވިލެޖު ސާފު ކުރުމުގެ މަސައްކަތް ފަށައިފައެވެ. އެ މަސައްކަތުގައި ވެމްކޯ، ލޯކަލް ގަވަރްނެސް މިނިސްޓްރޫ، ހައުސިން މިނިސްޓްރީ، މޯލްޑިވްސް ޕޯޓްސް ލިމިޓެޑް (އެމްޕީއެލް) އަދި ފުލުހުން ދަނީ ބައިވެރިވަމުންނެވެ.
ވެމްކޯއިން މިއަދު އެކްސްގައިކުރި ޕޯސްޓެއްގައި ބުނީ ”ތިން ދުވަހުގެ ތެރޭގައި އިންޑަސްޓްރިއަލް ވިލެޖުން 928 ޓަނުގެ ކުނި ނަގައި ސާފު ކޮށްފައިވާ “ ކަމަށެވެ.
ސިޓީ ކައުންސިލުން ބުނީ އިންޑަސްޓްރިއަލް ޒޯން ސާފު ކުރުމަށްފަހު އެ ސަރަހައްދުގެ ބައެއް މަގުތަކަށް އާންމުނަށް ނުވަދެވޭ ގޮތައް ބަންދުކުރާނެ ކަމަށެވެ. އެއީ އެ މަގުތަކުގައި ޕިކަޕްތައް ޕާކުކޮށް ކުނިއަޅާތީ ކަމަށް ކައުންސިލުން ބުންޏެވެ.
”އަދިވެސް އިންޑަސްޓްރިއަލް ވިލެޖަށް ވަދެވޭނެ. އެކަމަކު ބޮޑެތި ކުނި ހިފައިގެން ނުވަދެވޭނެ, އެތަނުގައި ހުންނަ ވެމްކޯ ސްޓޭޝަން ފަޅިއަށް ދެވޭނީ. ޕެޓްރޯލް ޝެޑުތަކަށް ވެސް ދެވޭނެ“ ކައުންސިލުން ބުންޏެވެ.
ކައުންސިލުން ބުނީ އިންޑަސްޓްރިއަލް ޒޯން ސާފު ކުރުމުގެ މަސައްކަތް ފަށައިފައިވަނީ އެތަން ސާފުނުކޮށް ގިނަ ދުވަސްވެފައިވާތީ ބަތިލަތް އިތުރުވަމުންދާތީ ކަމަށެވެ.
އިންޑަސްޓްރިއަލް ވިލެޖް މިހާރު އޮތީ ވެހިކަލްތަކުން ތޮށްޖެހި، ފުރި ބާރުވެފައެވެ. އުކާލަން ޖެހޭ ދަގަނޑުތަކާއި ކުނިބުނީގެ އެތައް އެއްޗެއް ހުރީ އެތަނަށް އުކާލައިފައެވެ. އެ ތަަނުން ގނަ ސަރަހައްދުތަކުން ކުނި ނޫން އެއްޗެއް ނުފެނެއެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ވެމްކޯގެ ކުނި ޕިކަޕްގެ ފީ 500ރ. އަށް ކުޑަކޮށް، ގޭޓްފީ ނެގުން
ވެމްކޯ އާއި އެ ކުންފުނީގެ އެމްޑީއަށް ކޮށްފައިވާ ކޮރަޕްޝަންގެ ތުހުމަތުތައް ދޮގުކޮށްފި
ވެމްކޯ އިން ފޮޅާ ސާފުކޮށް ދިނުމުގެ ހިދުމަތް ދޭން ތައްޔާރުވަނީ
ޕާކިން ޒޯނަކަށް ކުނި އެޅި ތިން މީހަކު ދެނެގަނެ ކޮންމެ މީހަކު
ހައުސިން ކޮމިޓީއަށް އެހީވާން ސަރުކާރު ކައުންސިލަރުން ހިމެނޭ އިތުރު ކޮމިޓީއެއް
މަގުތަކަށް ކުނި އަޅާ މައްސަލަ ހައްލުކުރަން ވެމްކޯއިން ބޮޑެތި ކުނި ހިލޭ