ގަތަރުގެ ވެރިރަށް ދޯހާއިން، އަޔަލޭންޑްގެ ޑަބްލިންއަށް ދަތުރުކުރި ގަތަރު އެއާވޭސްގެ ކިއުއާރު 017 (ބޮއިން 787 ޑްރީމްލައިނާ މަރުކާ) ފުލައިޓް ޓާބިއުލަންސްއެއްގައި ޖެހި އެ ފުލައިޓުން ދަތުރުކުރަމުންދިޔަ 12 މީހަކަށް އަނިޔާވެއްޖެއެވެ.
ޓާބިއުލަންސްގައި ޖެހުމުގެ ސަބަބުން އަނިޔާވެފައިވަނީ ފުލައިޓުން ދަތުރުކުރަމުންދިޔަ ހަ ޕަސިންޖަރަކަށާއި ފުލައިޓުގެ ހަ ކުރޫ އަކަށެވެ. އެއިން އެއްވެސް މީހަކަށް ބޮޑު އަދި ސީރިއަސް އަނިޔާއެއް ލިބިފައިނުވެއެވެ.
ފުލައިޓް ޑަބްލިން އެއާޕޯޓަށް ލޭންޑު ކުރުމާއެކު އެއާޕޯޓް ފުލުހުންނާއި އެމްބިއުލާންސް އަދި ފަޔާ އޮފިސަރުން ހިމެނޭ ގޮތަށް އެމަޖެންސީ ސާވިސަސް އިން ވަނީ ފުލައިޓް ކައިރިއަށް ގޮސް އެހީތެރިކަން ފޯރުކޮށްދީފައެވެ.
ގަތަރު އެއާވޭސްއިން ބުނީ އަނިޔާވި މީހުންނަށް މީހުންނަށް ފަރުވާ ދެމުންދާ ކަމަށެވެ. އަދި އެ ހާދިސާ ތަހުގީގު ކުރާނެ ކަމަށެވެ.
ގަތަރު އެއާވޭސްގެ ފުލައިޓެއް ޓާބިއުލަންސްގައި ޖެހި ޕަސިންޖަރުންނަށް އަނިޔާވެފައިމިވަނީ މިދިޔަ އަންގާރަ ދުވަހު އިނގިރޭސިވިލާތުގެ ލަންޑަނުން ސިންގަޕޫރަށް ދަތުރުކުރަމުން ދިޔަ ފުލައިޓެއް ވެސް ޓާބިއުލަންސްގައި ޖެހި ފަސިންޖަރަކު މަރުވެފައި ވަނިކޮށެވެ.
ގުޅުންހުރި
ސިފައިންނާއި ފުލުހުންނާއެކު 300 އޮފިސަރުން މާފުށީ ޖަލަށް، 29 ފޯނާއި ބަނގުރާ
ހުނަރާއި ތަޖުރިބާ ހޯދައި ދޭން އާރުޑީސީން ހިންގާ ބިނާވެހި ޕްރޮގްރާމްގެ ދެވަނަ
ފަލަސްތީނުގެ މީހަކު ހިމެނޭ ގޮތަށް އިތުރު 11 މީހަކަށް ދިވެހި ރައްޔިތުކަން
ރައީސް މުއިއްޒަށް ސިހުރު ހެދި ކަމަށް ފުލުހުން ބުނާ ސިހުރުވެރިޔާ ދޫކޮށްލައިފި
ޖަލު އޮފިސަރަކަށް މަރުތޭލަކުން ހަމަލާ ދިނުމަށްފަހު ފިލައިގެން އުޅުނު ދެ މީހަކު
ޝަމްނާޒާ ދެކޮޅަށް ސިހުރުގެ މައްސަލަ ހުށަހެޅީ ރައީސްގެ ފަރާތްޕުޅަކުން ނޫން: ސަރުކާރު