އިންޓަނޭޝަނަލް ކޮންފަރެންސް އޮން ސްމޯލް އައިލެންޑް ޑިވެލޮޕިން ސްޓޭޓްސް، ސިޑްސް މަހާސިންތާ ހުޅުވުމުގެ ރަސްމިއްޔާތުގައި ރައީސް ޑރ. މުހައްމަދު މުއިއްޒު ބައިވެރިވެވަޑައިގެންފިއެވެ.
މިއީ ސިޑްސްގެ ހަތަރުވަނަ ކޮންފަރެންސްއެވެ.
ރައީސް އޮފީހުން މިރޭ ބުނީ ރައީސް މުއިއްޒު، އެ މަހާސިންތާއަށް ވަޑައިގަތުމުން އެމަނިކުފާނަށް މަރުހަބާ ދަންނަވައިފައިވަނީ އދ.ގެ ސެކްރެޓަރީ ޖެނެރަލް އެންޓޯނިއޯ ގުޓްރެސް އާއި އެންޓިގުއާ އެންޑް ބާބުޑާގެ ބޮޑުވަޒީރު އެޗްއީ ގެސްޓޮން ބްރައުން ކަމަށެވެ.
ސިޑްސް މަހާސިންތާ ހުޅުވުމުގެ ރަސްމިއްޔާތުގައި، ރާއްޖޭގެ ފަރާތުން އިއްވާ ހާއްސަ ގައުމީ ބަޔާން އިއްވަވައި ދެއްވާނީ ރައީސް ކަމަށް ރައީސް އޮފީހުން ބުންޏެވެ.
ސިޑްސް މަހާސިންތާއަކީ ”ޗާޓިން ދަ ކޯސް ޓުވާޑްސް ރިސިލިއަންޓް ޕްރޮސްޕަރިޓީ“ ޝިއާރުގެ ދަށުން ސިޑްސްގެ ގައުމުތަކުގެ ލީޑަރުންނާއި އެކި ދާއިރާތަކުން ގުޅުންހުރި ހުރިހާ ހިއްސާދާރުން އެއްތަނަކަށް އެއްވެ، ތަރައްގީވަމުން އަންނަ ކުދި ޖަޒީރާ ގައުމުތަކަށް ދެމެހެއްޓެނިވި، ތަނަވަސް، އަދި ވިލުންތެރި މުސްތަގުބަލަކަށް މަސައްކަތް ކުރުމަށް ލިބިފައިވާ މުހިންމު ފުރުސަތެއް ކަމަށް ރައީސް އޮފީހުން ބުންޏެވެ.
އެ ކޮންފަރެންސްގައި ބައިވެރިވެވަޑައިގަތުމަށް އެންޓިގާ ބާބުޑާއަށް ރައީސް ފުރާވަޑައިގެންނެވީ މިދިޔަ ހުކުރު ދުވަހުއެވެ.

ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު