ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުން ކުރިއަށް ގެންދިޔަ ”ބިންވެރިޔާ“ ސްކީމުގެ ދަށުން ގިރާވަރު ފަޅުން، ގުޅިފަޅަށް ގޯތި ބަދަލުކުރާ މީހުންގެ މެދުގައި އަންނަ އަންގާރަ ދުވަހު ގުރުނަގަން ނިންމައިފައިވާ ކަމަށް ހައުސިން މިނިސްޓްރީން ބުނެފިއެވެ.
”ބިންވެރިޔާ“ ސްކީމްގެ ދަށުން ގިރާވަރު ފަޅުން ދޫކުރި ގޯތިތަކުގެ ތެރެއިން 1،347 ގުޅިފަޅަށް ބަދަލުކުރުމަށް މި ސަރުކާރުން ވަނީ ނިންމައިފައެވެ. އެ ފުރުސަތުގައި ޖުމްލަ 2،210 މީހުން ގޯތި ބަދަލުކުރުމަށް ބޭނުންވެގެން ވަނީ ހުށަހަޅައިފައެވެ،
ހައުސިން މިނިސްޓްރީން މިރޭ ބުނީ ގުރުނެގުމަށް ތާވަލުކޮށްފައިވަނީ އަންނަ އަންގާރަ ދުވަހުގެ މެންދުރު 12 ޖަހާއިރު، ދަރުބާރުގޭ ރަންނަބަނޑޭރި މާލަމުގައި ކަމަށެވެ. ގުރުނަގާ ފޮއްޓަށް އަމިއްލައަށް ނަން ލާން ބޭނުންވާ މީހުން އެ ދުވަހުގެ ހެނދުނު 9 އާއި 10 އާ ދެމެދުގެ ވަގުތެއްގައި ހާޒިރުވާންޖެހޭނެ ކަމަށް މިނިސްޓްރީން ބުންޏެވެ.
”ބިންވެރިޔާ“ ލިސްޓުގައި ހިމެނޭ މީހަކަށް ހާޒިރު ނުވެވޭ ނަމަ ނުވަތަ ބަދަލުގައި މީހަކު ފޮނުވަން ބޭނުންވާ ނަމަ އެ މީހެއްގެ މައުލޫމާތު ހިޔާވަހި ޕޯޓަލް މެދުވެރިކޮށް ހުށަހަޅަންވާނެ ކަމަށާއި އެ މައުލޫމާތު ހުށަހަޅަން ހުޅުވާލާނީ މާދަމާ ހެނދުނު 10 އިން ހޯމަ ދުވަހުގެ މެންދުރު 12 އަށް ކަމަށް މިނިސްޓްރީން ބުންޏެވެ.
ގިރާވަރުފަޅުން، ގުޅިފަޅަށް ގޯތި ބަދަލުކުރާ މީހުންގެ މެދުގައި ގުރުއަތު ނަގަން ޖެހުނީ އެކަމަށް ހުޅުވާލި ފުރުސަތުގައި ބައެއް ކެޓަގަރީތަކުން އެދުނު މީހުންގެ އަދަދު، ބަދަލުކުރާ ގޯތީގެ އަދަދަށް ވުރެ އިތުރުވުމުންނެވެ.
އެގޮތަށް އިތުރުވީ 1،250 އާއި 1،650 އަކަ ފޫޓުގެ ގޯތި ބަދަލުކުރުމަށް ހުށަހަޅާފައިވާ މީހުންގެ އަދަދެވެ. ނަމަވެސް 2،450 އަކަ ފޫޓާއި 2،050 އަކަ ފޫޓުގެ ގޯއްޗަށް އެދި ހުށަހަޅާފައިވަނީ ކަނޑައަޅާފައިވާ އަދަދަށް ވުރެ މަދުން ކަމަށްވާތީ އެ ކެޓަގަރީތަކުން ގުރުއަތުލުމެއް ނޯންނާނެ ކަމަށް މިނިސްޓްރީން ކުރިން ބުނެފައިވެއެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ގެދޮރުވެރިޔާ އަދި ބިންވެރިޔާ ސްކީމުގެ އުސޫލާ ހިލާފަށް އެއްވެސް މީހަކު ބާކީ
ހިޔާ ޓަވަރުތަކުގައި އިތުރު ލިފްޓް ހަރުކުރުމުގެ އަމަލީ މަސައްކަތް ފަށައިފި
ގުޅިފަޅު ހިއްކުމުގެ މަސައްކަތް ނިންމާލައިފި
ގުޅިފަޅަކީ މީހުން ދިރިއުޅެން އެކަށީގެންވާތަނެއް ނޫންކަމަށް ސޯލިހު އަޅުގަނޑަށް ދެންނެވި: ރައީސް
ގެދޮރު ހަދަން ދޭ ލޯނު ދޫކުރާނީ އަތޮޅުތެރެއަށް އެއް މިލިއަން، މާލެއަށް
ގޯތިތަކަށް އަރާފައިވާ ސާވިސް ނެޓްވޯކުތައް ބަދަލުކުރަން 200 މިލިއަން ރުފިޔާ ހަރަދުވާނެ: