މަސް ހިފަން މޫދަށް ފައިބާ އުޅުނު މީހެއްގެ ގައިގައި ލޯންޗަކުން ޖެހި މަރުވެއްޖެ

އދ. ދަނގެތި ކައިރިއަށް ފާނަ މަސްވެރިކަމަށް ފައިބާ އުޅުނު މީހެއްގެ ގައިގާ ލޯންޗަކުން ޖެހި އެ މީހާ މަރުވެއްޖެ އެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ، މިއަދު ހެނދުނު 7:55 އެހާކަންހާއިރު ރިޕޯޓްކުރި އެ ހާދިސާގައި ލޯންޗުން ޖެހުނު މީހާ ދަނގެތި ސިއްހީ މަރުކަޒަށް ގެންދިޔައިރުވެސް މަރުވެފައިވާ ކަމަށް އެ މަރުކަޒުން މައުލޫމާތު ދީފައިވާ ކަމަށެވެ.

އެ ހާދިސާގައި މަރުވެފައިވަނީ ބިދޭސީއެއް ކަމަށްވެސް ފުލުހުން ބުންޏެވެ. އެއީ ކޮން ގައުމެއްގެ ކިތައް އުމުރުގެ މީހެއް ކަމެއް ނުބުނެ އެވެ.