ޒަމާނީ ފެންވަރަށް ށ. މިލަންދޫ މަގުތައް ތަރައްގީ ކުރުމުގެ މަޝްރޫއުގެ 95 ޕަސަންޓް މަސައްކަތް ނިމިފައިވާ ކަމަށް ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) ބުނެފި އެވެ.
އާރްޑީސީން މިއަދު ބުނީ މަގުތަކުގައި ކޮނެގެން ކުރަންޖެހޭ މަސައްކަތްތައް މިހާރު ނިމިފައިވާކަމަށެވެ. އަދި ކާބް ސްޓޯން ޖެހުމާއި ދުވާރުގެ މަސައްކަތްތަކުގެ 98 އިންސައްތަ ނިމިފައިވާކަމަށް އާރްޑީސީން ބުންޏެވެ. އެ މަޝްރޫއުގެ ދަށުން މަގު ބައްތި ޖެހުމުގެ މަސައްކަތުގެ ބޮޑު ބައެއް މިހާރު ނިމިފައިވާއިރު، އެންމެ ގޯޅިއެއްފިޔަވައި ތާރު އެޅުމުގެ މަސައްކަތްތައް ވެސް ނިމިފައިވާކަމަށް އާރުޑީސީން ބުންޏެވެ.
އެ މަޝްރޫއުގެ ދަށުން ޖުމްލަ 6.3 ކިލޯމީޓަރު ސަރަހައްދުގެ 9 މަގަކާއި 3 ގޯޅިއެއް ޒަމާނީ ފެންވަރަށް ތަރައްގީ ކުރާނެ އެވެ.
މިހާރު ކުރިއަށްދަނީ ސްޕީޑް ބްރޭކާތައް ހެދުމާއި މަގުގައި ކުރަހަންޖެހޭ ނިޝާންތައް ކުރެހުމުގެ މަސައްކަތުގެ ފިނިޝިން މަސައްކަތް ކަމަށް އާރްޑީސީން ބުންޏެވެ.
މިލަންދޫ މަގުހެދުމުގެ މަޝްރޫއު އާރްޑީސީއާ ހަވާލުކޮށްފައިވަނީ 2020 މާޗު 12 ގަ އެވެ. އެ މަސައްކަތް ހަވާލުކުރީ ކުރިއަށްގެންދިއުމަށް އާރުޑީސީ އާއި ހަވާލުކޮށްފައިވަނީ 12 މަރިޗު 2020 ގައެވެ.
ގުޅުންހުރި
ފަހި ފްލެޓު ސަރަހައްދު ”ގޮނޑުކޮށްލި“ މައްސަލައިގައި ޖޫރިމަނާކުރަން ފަށައިފި
މާލީ އަހުލާގު ދެމެހެއްޓުމަކީ މައިގަނޑު ސިޔާސަތެއް، އިންވެސްޓަރުންގެ އިތުބާރު އިތުރުވެއްޖެ: ރައީސް
ނީލަމުގައި ފުލުހުން ވިއްކަނީ ހިޔާނާތުގެ މައްސަލައަކާ ގުޅޭ ހުއިފިލަނޑާތަކެއް
ބޮޑެތި ބަލިތަކުގެ މީހުންނަށް ޕެންޝަން ފައިސާ އެއްފަހަރާ ނެގޭ ގޮތް ހަދަން
ވޯޓުލާން ރަޖިސްޓަރީވެފައިވާ ތަން ނޫން އެހެން ތަނެއްގައި ވޯޓުލާން ބޭނުންވާ މީހުންނަށް
ރިޔާސީ އިންތިޚާބާއި މަޖިލީސް އިންތިޚާބު އެއްކޮށްލަން ފާސްކޮށްފި