ގަވައިދާ ހިލާފަށް ރާއްޖޭގައި މަސައްކަތްކުރާ ބިދޭސީން ހޯދުމަށް މޯލްޑިވްސް އިމިގްރޭޝަނުން ކުރަމުންގެންދިޔަ މަސައްކަތައް ހުރަސް އަޅައި، އިމިގްރޭޝަންގެ ވެހިކަލަކަށް ގެއްލުން ދިން ބިދޭސީއަކު ހައްޔަރުކޮށްފި އެވެ.
އިމިގްރޭޝަން ކޮންޓްރޯލާ މުހައްމަދު ޝަމްއާން ވަހީދު ރޭ އެކްސްގައި ކުރެއްވި ޕޯސްޓެއްގައި ވިދާޅުވީ އޭނާ ހައްޔަރުކުރީ އިމިގްރޭޝަން އަދި ޕޮލިހުން ގުޅިގެން ރޭ ކުރިއަށް ގެންދިޔަ ހާއްސަ އޮޕަރޭޝަންގެ ތެރެއިން ކަމަށެވެ. އަދި އޭނާއަށް އިމިގްރޭޝަން ގާނޫނުން ހަރުކަށި ފިޔަވަޅު އެޅުމަށްފަހު ޑީޕޯޓް ކޮށްލާނެ ކަމަށްވެސް ވިދާޅުވި އެވެ.
”ގަވާއިދާ ހިލާފަށް އުޅޭ ބިދޭސީން ހޯދުމަށް ހިންގާ މި އޮޕަރޭޝަން ފަސް ޖެހުމެއް ނެތި އަދި ބިރަކަށް ސިހުމެއް ނެތި ކުރިއަށް ދާނެ،“ ޝަމްއާން ވިދާޅުވި އެވެ.
ގަވާއިދާ ހިލާފަށް ވިޔަފާރި ކުރަމުންދާ ބިދޭސީން ހޯދުމަށް އިމިގްރޭޝަނާއި ފުލުހުން ހިންގާ އޮޕަރޭޝަންގެ ތެރެއިން ރޭ ވަނީ މާލޭގައި ޓޭކްއަވޭ/ކެފޭ ހިންގަމުންދާ ހަތަރު ތަނެއް ބަލައިފާސްކޮށް، ހަ ފިރިހެނަކާއި އަންހެނަކު އަތުލައިގެންފަ އެވެ. އަދި ތިން ބިދޭސީއަކު ހިންގަމުންދިޔަ ކެފޭއެއްވެސް ވަނީ ބަންދުކޮށްފަ އެވެ.
ގުޅުންހުރި
15 ރުފިޔާގެ ވައްކަން ކުރި މީހާއަށް އަނިޔާކުރި މައްސަލައިގައި ދެ މީހަކު
ރޭޕްގެ ތުހުމަތުވާ އިޒާމް ހޯދާތާ އެއް އަހަރަށްފަހު އަމިއްލައަށް ފުލުހަށް ހާޒިރުވުމުން
މަންޑޭގެ މައްޗަށް 94 ދައުވާއެއް ސާބިތުވެއްޖެ
އާ އަހަރަށް ރައީސްގެ ދެކަނބަލުން ސިންގަޕޫރަށް
ބަނގުރާ ކައްކައި ވިޔަފާރިކުރަމުންދިޔަ މައްސަލައިގައި ދެ ބިދޭސީއަކު ހައްޔަރުކޮށްފި
ކައުންސިލު އިންތިހާބަށް ކެންޑިޑޭޓުން ހޮވުމަށް ޕީއެންސީ ޕްރައިމަރީގެ ވޯޓުލުން ފަށައިފި