އިދިކޮޅު އެންމެ ބޮޑު ޕާޓީ އެމްޑީޕީގެ މާލޭ ދާއިރާގެ ރައީސްކަން، މާލޭ ސިޓީގެ މޭޔަރު އާދަމް އާޒިމް ކާމިޔާބު ކުރައްވައިފި އެވެ.
އެމްޑީޕީން މިއަދު ވަނީ މާލެ ދާއިރާ ހިމެނޭހެން ޖުމުލަ 20 ދާއިރާއެއްގެ ބައި އިލެކްޝަން ބާއްވައިފަ އެވެ.
މި އިންތިހާބުގައި އެންމެ ވާދަވެރިކަން ބޮޑު ރައީސްގެ މަގާމަށް އާޒިމްއާ ވާދަކުރެއްވީ ރައްޔިތުންގެ މަޖިލީހުގެ މާފަންނު ހުޅަނގު ދާއިރާގެ ކުރީގެ މެމްބަރު މުހައްމަދު ފަލާހެވެ.
މިހާތަނަށް ލިބިފައިވާ މައުލޫމާތަށް ބަލާއިރު އާޒިމް އުޅުއްވަނީ 400 އެއްހާ ވޯޓު ކުރީގަ އެވެ
އެމްޑީޕީގެ މާލެ ދާއިރާގެ ރައީސްގެ މަގާމު ހުސްވީ އެ މަގާމުގައި ކުރިން ހުންނެވި މާލޭގެ ކުރީގެ މޭޔަރު މުހައްމަދު ޝިފާ އިސްތިއުފާ ދެއްވުމުންނެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ އެމްޓީސީސީ އާއި އެމްޑަބްލިޔުއެސްސީ ހިންގެވުމާ ހަވާލުވެ ހުންނެވީ އާޒިމެވެ. އެ މަގާމަށް އޭނާ އައްޔަން ކުރީ އޭރު ކޯލިޝަން ޕާޓްނަރެއްގެ ގޮތުގައި އޮތް ޖުމްހޫރީ ޕާޓީގެ ސްލޮޓެއްގަ އެވެ.
ނަމަވެސް ރިޔާސީ އިންތިހާބުގައި ޖޭޕީގެ ސްޓޭންޑާ ދެކޮޅަށް އެމްޑީޕީ އަށް ތާއީދު ކުރެއްވުމަށްފަހު އާޒިމް ފަހުން ވަނީ އެ ޕާޓީއާ ގުޅިވަޑައިގެންފަ އެވެ. އަދިއެމްޑީޕީގެ ޓިކެޓުގައި މާލޭގެ މޭޔަރު ކަމަށް ވާދަ ކުރައްވައި އެ އިންތިހާބު ކާމިޔާބު ކުރެއްވި އެވެ.


ގުޅުންހުރި
72 ކިލޯގެ ޑުރަގް އެތެރެކުރި މައްސަލަ: ފުލުހުން ހެދި ގޯސްތަކެއްގެ ސަބަބުން
ދިވެހި އަންހެނަކު ތިން ފިރިހެނުންނާ ”އިނދެގެން“ އުޅޭ މައްސަލައެއް!
އެސްޓީއޯ އިން ބިހެއް ވިއްކާނީ 2ރ. އަށް، ކޭހެއް ވިއްކާނީ 310ރ.
އެސްޓީއޯ އިން ފިޔާ ކިލޯއަކުން 2 ރުފިޔާ އަދި ފިޔާ ބަސްތާއަކުން
އެޕްރީލް މަހުގެ 20 ގެ ކުރިން ބަޔާމެޓްރިކްސް ނުދޭ ބިދޭސީން ޑީޕޯޓް
ކިޔަވަން އިސް ނެގީ ޕީއެންސީގެ މެމްބަރުން، ކޯސް ފީ ދައްކަނީ އަމިއްލައަށް: