ޑިސެމްބަރ 9, 2025

މިސްކިތެއްގެ ތެރޭގައި ތިބި އަންހެނުން ތަކަކަށް ޖިންސީ ގުނަވަން ދެއްކި މީހަކު ހައްޔަރުކޮށްފި

އައިޖީއެމްއެޗް އެތެރޭގައި ހުންނަ މިސްކިތުގައި ތިބި އަންހެނުންތަކަކަށް ޖިންސީ ގުނަވަން ދެއްކިކަމުގެ ތުހުމަތުގައި މީހަކު ހައްޔަރުކޮށް ބަންުދުކޮށްފި އެވެ.

އެ މައްސަލައިގައި ހައްޔަރުކޮށްފައިވަނީ ނައުޝާދު މޫސާ ނަމަކަށް ކިޔާ 30 އަހަރުގެ ފިރިހެނެކެވެ.

އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓުގައި ބޭއްވި އަޑުއެހުމުގައި ފުލުހުން ބުނީ، އޭނާއަކީ މިދިޔަ ޖޫން މަހުގެ ތެރޭގައި މާލޭ ސުކޫލަކަށް ވަދެ ޖިންސީ ގުނަވަން ދެއްކި މީހެއް ކަމަށެވެ. އަދި އޭނާއަކީ ހައްޔަރު/ ބަންދު ރެކޯޑް އޮންނަ މީހެއް ކަމަށްވެސް ބުނެފައިވެ އެވެ.

ޝަރީއަތުގެ އަޑުއެހުމުގައި ތުހުމަތުވާ މީހާ ވަނީ ވަކީލަކު ބޭނުންނުވާ ކަމަށާއި އިތުރު ވާހަކައެއް ދައްކަން ބޭނުން ނުވާ ކަމަށް ބުނެފަ އެވެ. އެހެންވެ ކޯޓުން ވަނީ އޭނާގެ ބަންދަށް 15 ދުވަސް ޖަހައިފަ އެވެ.