ކަރަންޓު ޓްރާންސްފޯމަރެއްގެ ތެރެއަށް ވަދެއިން މީހަކު ހައްޔަރުކޮށްފި

ހުޅުމާލޭގެ ދެވަނަ ފިޔަވަހީގައި ހުރި ކަރަންޓު ޓްރާންސްފޯމަރެއްގެ ތެރެއަށް ވަދެއިން މީހަކު ހައްޔަރުކޮށްފި އެވެ.

ފުލުހުން އޭނާ ހައްޔަރުކޮށްފައިވަނީ ހިޔާ 13 ވަނަ ޓަވަރު ކައިރީގައި ހުރި ޓްރާންސްފޯމަރެއްގެ ތެެރެއިންނެވެ.

އެ ސަރަހައްދުގައި ދިރިއުޅޭ މީހަކު ”ހަފްތާ“އަށް ބުނީ އެ ފިރިހެން މީހާ ޓްރާންސްފޯމަރުގެ ތެރެއަށް ވަދެފައިވަނީ ރޭ ފަތިހު 5:30 އެހާކަންހާއިރު ކަމަށެވެ.

ފުލުހުން އެ ޓްރާންސްފޯމަރު ހުޅުވާފައިވަނީ ސްޓެލްކޯގެ އެހީތެރިކަމާއެކު ކަމަށެވެ.

މިފަހުން ވަނީ ޓްރާންސްފޯމަރުތަކުން ވައްކަންކުރާ މައްސަލަތަކެއް ވެސް ފުލުހަށް ހުށަހަޅައިފަ އެވެ.