ޒުވާނަކު ގެއްލިގެން ހޯދަނީ، އެންމެ ފަހުން ހަބަރެއްވީ 6 ދުވަސް ކުރިން

ދިވެހި ޒުވާނަކު ގެއްލިގެން އޭނާ ހޯދުމަށް އާންމުންގެ އެހީތެރިކަމަށް ފުލުހުން އެދިއްޖެ އެވެ.

އާއިލާއަށް ހަބަރެއް ނުވެ ގެއްލިފައިވާ ކަމަށް ރިޕޯޓްކޮށްފައިވާތީ ހޯދަމުންދަނީ ރ. މާކުރަތު/ ތިންތަރި، އަހުމަދު ޝާހީން، 21އ. އެވެ.

ފުލުހުން ދެންމެ ބުނީ، އޭނާގެ ހަބަރެއް އެންމެ ފަހުން ވެފައިވަނީ މިދިޔަ ބުދަ ދުވަހު ފޯނުން ކަމަށް އޭނާގެ އާއިލާ އިން މައުލޫމާތު ދީފައިވާ ކަމަށެވެ.

ޝާހީންގެ އެއްވެސް މައުލޫމާތެއް ލިބިއްޖެ ނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ ނަންބަރު 9393351 އަށް ގުޅުމަށް ފުލުހުން އެދެ އެވެ.