އެފްއެސްއެމްގެ ތެޔޮ ބޯޓެއް ނިލަންދޫ ފަރަށް އަރައިފި

އެފްއެސްއެމްގެ ތެޔޮ ބޯޓެއް ގއ. ނިލަންދޫ ފަރަށް އަރައިފި އެވެ.

އެ ރަށުން ”ހަފްތާ“އަށް މައުލޫމާތުދިން މީހަކު ބުނީ އެފްއެސްއެމްގެ ބޯޓު ފަރަށް އެރިކަން އެނގުނީ ހެނދުނު އާންމު މީހަކަށް ފެނިގެން ކަމަށެވެ. ބޯޓު ފަރަށް އަރައިފައިވަނިކޮށް ފެނުނު ފަރާތުން އެކަން ވަނީ ކައުންސިލަށް އަންގައިފައި ކަމަށެވެ.

އަދި މިހާރު ވަނީ ބޯޓު ފަރަށް އަރައިގެން އުޅޭކަން ފުލުހުންނާއި އެމްއެންޑީއެފްއަށް އަންގައި ކަމަށެވެ.

ކައުންސިލުން މިހާރު ދަނީ އެ ބޯޓުން، ކަނޑަށް ތެޔޮ ލީކުވޭތޯ ބަލަމުން ކަމަށް މި ނޫހަށް މައުލޫމާތު ދިން ފަރާތުން ބުންޏެވެ.

ފަރަށް އެރި އެ ބޯޓަކީ އަތޮޅު ތެރޭގައި ރަށްތަކަށް ތެޔޮ ހިފައިގެން ދަތުރުކުރާ ބޯޓެކެވެ.