މިދިޔަ 14 މަސް ދުވަހުގެ ތެރޭގައި ސަރުކާރުން އެތައް ކަމެއް ފަށައި، ނިންމައި، ނަތީޖާ ނެރެދީފައިވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ހއ. ދިއްދޫގައި ރޭ ބޭއްވި ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ އެ މަނިކުފާނު ކޮށްދެއްވާ ކަންކަމަކީ ރާއްޖޭގެ ރައްޔިތުންނަށް މުހިންމު ކަންކަން ކޮށްދިނުމަށްޓަކައި ކުރާ ވަރަށް ސީރިއަސް މަސައްކަތްތަކެއް ކަމަށެވެ.
”ހަދުމަފުޅު ހުންނާނެ އަޅުގަނޑު ވަރަށް ގިނައިން ދެއްކި ވާހަކައެއް. އަޅުގަނޑު މި ކުރިމަތިލަނީ ވަރަށް ސީރިއަސް މަސައްކަތްތަކެއް ރައްޔިތުންނަށް ކޮށްދޭށޭ. ރައްޔިތުންނަށް މުހިންމުވެފައި ހުރި ގިނަ ކަންތައްތަކެއްގެ ނަތީޖާ ނެރެދީ ފުރިހަމަ ކޮށްދިނުމަށޭ. އަޅުގަނޑަށް ރައްޔިތުން އިތުބާރުކޮށްގެން ގާއިމުކުރާ ސަރުކާރެއް ވާނީ ނަތީޖާ ނެރެދޭ ސަރުކާރަކަށޭ. މިއަދާ ހަމައަށް އައި އިރުގައިވެސް ރާއްޖޭގައި ކޮށްފައިވާ ގިނަ ކަންތައްތަކެއް ކޮށްފައިވާނީ، ފަށާފައިވަނީ އަދި ނިންމާފައިވާނީވެސް މިގޮތަށް. އަދި ކުރިއަށް އޮތް ތަނުގައިވެސް ކުރިއަށް ގެންދާނީ އެހެން،“ ރައީސް ވިދާޅުވި އެވެ.
އެ މަނިކުފާނު ވިދާޅުވީ، ސަރަހައްދީ ތަރައްގީ ގެނައުމަށް ވައުދުވެވަޑައިގަތީ ދުރު ރާސްތާއަށް ވިސްނައިގެން ކަމަށެވެ. އޭގެ ބޭނުމަކީ އުތުރާއި ދެކުނުގެ ތަރައްގީގެ ޒޯނާއި ހަތް އާބަން ސެންޓަރު މާލެ ސަރަހައްދެކޭ އެއްގޮތަށް ހުރިހާ ހިދުމަތެއް ލިބޭ ތަންތަން ގޮތުގައި ގާއިމުކުރުން ކަމަށްވެސް ވިދާޅުވި އެވެ.
”ހުރިހާ އެންމެން މާލެއަށް ޖަމާކޮށް، ހުރިހާ އެންމެން މާލެ ސަރަހައްދުގައި އުޅުމަކީ އެކަން އޮންނަންޖެހޭނެ ގޮތެއް ނޫން،“ ރައީސް ވިދާޅުވި އެވެ.
60 Comments
ގުޅުންހުރި
އިޒްރޭލު ޕާސްޕޯޓް މަނާކުރުމަކީ އިސްލާމީ އުއްމަތަށް ރައީސް ދެއްކެވި ނަމޫނާއެއް، ސެލިއުޓް
ޝިޔާމް، ޖަމީލަށް: ރައްޔިތުން ހޮވި ވެރިއަކީ ރައީސް މުއިއްޒު ކަމަށް ހިތަށް
ޒުވާނުން އަލުން މަހަށް ދާން ފަށައިފި، އެއީ ބޭނުންވި ގޮތް: ރައީސް
ނޫސްވެރިންނާ ބައްދަލުނުކުރައްވާތާ 515 ދުވަސް ފަހުން ރައީސް ނޫސްވެރިންނާ ބައްދަލުކުރައްވަނީ
ސިނގިރޭޓް މަނާކުރުމުގައި ގިނަ މީހުން ބޭނުންވި ގޮތާ ހިލާފަށް ނިންމީ އިހުތިރާމް
ކުޑަހުވަދޫގެ އުސްގަނޑު މަގުގައި ކާބް ސްޓޯން ޖެހުން ކުރިއަށް، މަސައްކަތުގައި އަންހެނުން