ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ވަކިން ބިސް ވިއްކާ އަގާއި ބިސް ކޭސް ވިއްކާ އަގު އިއުލާންކޮށްފި އެވެ.
އެސްޓީއޯ އިން މިއަދު ބުނީ، އެ ކުންފުނިން މި ވަގުތު ބިސް ކޭހެއް ވިއްކާނީ 320 ރުފިޔާއަށް ކަމަށެވެ. ބިހެއް ވަކިން ވިއްކާނީ ދެ ރުފިޔާއަށެވެ.
އެސްޓީއޯ ހޯލްސޭލް ސެންޓަރާއި އިންޑަސްޓްރިއަލް ވިލެޖު ޒޯންގައި ހުންނަ އެސްޓީއޯ ޒޯންގައި ހުންނަ އެސްޓީއޯ ވެއާހައުސް އިން ބިސް ކޭސް ހޯލްސޭލްކޮށް ވިއްކާނެ އެވެ.
އެސްޓީއޯ އިން ބިސް ކޭސް ވިއްކާ އަގު އިއުލާން ކުރި އިރު، މި ވަގުތު ބާޒާރުގައި ބިސް ކޭހެއްގެ އަގު އުޅެނީ 360 ރުފިޔާއާއި 400 ރުފިޔާއާ ދެމެދުގެ އަގެއްގަ އެވެ.
