ރައީސް ޑރ. މުހައްމަދު މުއިއްޒު އަޒުލުކުރާ ވާހަކަ ދެއްކީ ސަމާސާއަކަށް ކަމަށާއި ނަމަވެސ އެ ގަޅީގައި ސަރުކާރު ވަރަށް ބޮޑަށް ޖެހިއްޖެ ކަމަށް އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެ އެވެ.
ސަންގުޓީވީގެ ޕްރޮގްރާމެއްގައި ވާހަކަދައްކަވަމުން ފައްޔާޒު ވިދާޅުވީ، އެމްޑީޕީގެ ލީޑާޝިޕުގެ ފަރާތުން ރައީސް މުއިއްޒު އަޒުލުކުރާ ވާހަކަ ދައްކާފައި ނުވާނެ ކަމަށެވެ. އަދި އެމްޑީޕީގެ މެންބަރުންގެ ތެރޭގައި އެ ވާހަކަ ދެކެވުނީ ސަމާސާ ގޮތެއްގައި ކަމަށްވެސް ވިދާޅުވި އެވެ.
”އެހެންނަމަވެސް އަޅުގަނޑަށް މިހާރު އެބަ ގަބޫލުކުރެވޭ އެކަމުގެ ކަންބޮޑުވުންވެސް އޮތުމުގެ ސަބަބުން ވަރަށް ބޮޑެތި ކަންތައްތަކާ އެއްކޮށް އަޅުގަނޑުމެންގެ މެމްބަރުންތަކެއް ގެންދިއުމަށް ސަރުކާރުން ނިންމީ. އަޅުގަނޑު އަޑު އެހިން ބައެއް ޕާޓީތަކުގެ ލީޑަރުންނާ ރައީސުލްޖުމްހޫރިއްޔާ ބައްދަލުކުރައްވައި މެމްބަރުން ހޯދުމަށްޓަކާ އެކިއެކި އެހީތެރިކަން ބޭނުންވާ ވާހަކަ އެ ބޭފުޅުންގެ އަރިހުގައި ދެންނެވި،“ ފައްޔާޒު ވިދާޅުވި އެވެ.
ފައްޔާޒު އެ ފާހަގަކުރެއްވީ އެމްޑީޕީގެ ޕާލިމެންޓްރީ ގުރޫޕަށް ނިސްބަތްވާ 13 މެންބަރަކު ވެރިކަން ކުރާ މައި ޕާޓީ، ޕީއެންސީއަށް ސޮއިކުރެއްވި ވާހަކަ އެވެ.
އޭނާ ވިދާޅުވީ، އެމްޑީޕީގެ 13 މެންބަރުން ޕީއެންސީއަށް ގެންދިއުމަށް 65 މިލިއަން ރުފިޔާ ހޯއްދަވަން ބައެއް ސިޔާސީ ލީޑަރުންގެ އަރިހުގައި ރައީސް މުއިއްޒު ފައިސާއަށް އެދިވަޑައިގެންނެވި ވާހަކަ އަޑުއެއްސެވި ކަމަށެވެ. ނަމަވެސް އެކަމުގެ ހަގީގަތެއް ނޭނގޭ ކަމަށް ވިދާޅުވި އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ސްޓެލްކޯ އިންޖީނުގެތަކުގެ މެނޭޖަރުންނަށް ބޭއްވި މަހާސިންތާ ނިންމާލައިފި
ހަށިވިއްކި މައްސަލަ: ދިވެހި މީހާ ދޫކޮށްލައިފައި، ތައިލެންޑު ތިން އަންހެނުން ބަންދަށް
ޖިނާއީ ކުށްތަކާ ގުޅިގެން ކުރާ ޖޫރިމަނާގެ ފައިސާ ނުދައްކާ މީހުން ޖަލަށް
ﷲ އަށް ވަކީލުކުރުމަކީ، ވަކީލުކޮށްފީމޭ ބުނެ ދެއަތް އުރައިލައިގެން ތިބުމެއް ނޫން
ވެރިކަމުގައި މިހާރު މި ހުރީ އިބްރާހިމް މުހައްމަދު ސޯލިހު ދެވަނަ: ހުސެއިން
ފެނަކަ ގާދިއްފުށި ބްރާންޗުގައި މެނޭޖަރެއް ހުއްޓައި އިތުރު މެނޭޖަރެއް ނެގި ވާހަކަ