ތައިވާނަކީ ޗައިނާގެ ޓެރިޓަރީގެ ބައެއް ކަމަށާއި ވަކިވެގަތުމަށް ތައިވާނުން ހިންގާ އަމަލުތަކާއި ދެކޮޅުކަމުގައި ދިވެހި ސަރުކާރުން ވިދާޅުވެއްޖެއެވެ.
ސަރުކާރުން މިހެން ވިދާޅުވީ ތައިވާނުން ބޭއްވި ރިޔާސީ އިންތިޚާބާ ގުޅިގެން ނެރުއްވި ބަޔާނެއްގައެވެ.
ތައިވާނުން މިއިންތިޚާބު ބާއްވާފައިވަނީ އިންތިޚާބު ބާއްވައިފިނަމަ ނުތަނަވަސްކަން ބޮޑުވާނެ ކަމަށް ޗައިނާއިން ބުނެފައިވަނިކޮށެވެ.
ތައިވާނުގެ ނިންމުމާއި ދެކޮޅުކަން ހާމަކުރައްވަމުން ދިވެހި ސަރުކާރުން ނެރުއްވި ބަޔާނުގައި ވިދާޅުވީ ރާއްޖެއިން ތާއީދު ކުރަނީ ވަން ޗައިނާ ސިޔާސަތަށް ކަމަށެވެ. އަދި ރާއްޖެއާއި ޗައިނާގެ ގުޅުން ބިނާވެފައިވަނީވެސް އެއަސާސްގެ މައްޗަށް ކަމަށްވެސް ދިވެހި ސަރުކާރުން ވަނީ ވިދާޅުވެފައެވެ. ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ދާދިފަހުން ޗައިނާ އަށް ކުރެއްވި ދަތުރުފުޅުގައިވެސް އެޔަގީންކަން އެމަނިކުފާނު ޗައިނާއަށް ދެއްވާފައިވާނެ ކަމަށް ވިދާޅުވިއެވެ.
ދުނިޔޭގައި އޮތީ އެންމެ ޗައިނާއެއް ކަމަށާއި މުޅި ޗައިނާ ރަމްޒުކޮށްދޭ ދައުލަތަކީ ޕީޕަލްސް ރިޕަބްލިކް އޮފް ޗައިނާ ކަމަށް ވިދާޅުވަމުން ސަރުކާރުގެ ބަޔާނުގައި ވަނީ ތައިވާނަކީ ޗައިނާގެ ޓެރިޓަރީގެ ބައެއް ކަމަށް ގަބޫލުކުރާ ކަމަށެވެ.
ތައިވާނާއެކު ދިވެހި ސަރުކާރުން އެއްވެސް ގުޅުމެއް ނުބާއްވާނެ ކަމުގެ ޔަގީންކަން ދެއްވަމުން ސަރުކާރުން ވަނީ ވަކިވެގަތުމަށް ތައިވާނުން ހިންގާ އަމަލުތަކާ ދެކޮޅުކަމަށް ވަނީ ވިދާޅުވެފައެވެ.

ގުޅުންހުރި
ޑުރަގް މައްސަލައެއްގައި ކެނެޑާގެ 4 މީހަކަށް ޗައިނާ އިން މަރުގެ އަދަބު
އާ އަހަރު ޗުއްޓީގައި ލިބުނު 74،000 ޑޮލަރުގެ ފައިދާ ދިނީ ސްޓާފުންނަށް!
ތިންމަސް ކުރިން ރާއްޖެއައި ޗައިނާ ފަތުރުވެރިއަކު ގެއްލިގެން ހޯދަނީ
ކޮންޓްރެކްޓާ ފައިނޭންސިންގެ ދަށުން ގުޅިފަޅުގެ މަގުތައް ހަދަން ޗައިނާގެ ކުންފުންޏަކަށް
ޗައިނާގެ ރިސާޗް އުޅަނދު ރާއްޖެ އަންނަނީ ސްޓޮކް އާ ކުރަން: ފޮރިން
ރައީސް ޝީ ޖިންޕިން ރައީސް މުއިއްޒަށް ރަތްދޫލައިގެ ހޫނު މަރުހަބާއެއް ދަންނަވައިފި