ޗައިނާއަށް ކުރެއްވި ދަތުރުފުޅުގައި ލިބުނު ހިލޭ އެހީ މާލެ ސަރަހައްދަށް އިސްކުރެއްވީ އެންމެ ގިނަ ރައްޔިތުންނަށް ފައިދާވާ ގޮތަކަށް ކަންކަން ކުރެއްވުމަށް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ދަރުބާރުގޭގައި ރޭ ބޭއްވި މާލޭގެ އިންތިހާބީ މޭޔަރު އާދަމް އާޒިމް އަދި ތިން ކައުންސިލަރަކު ހުވައި ކުރެއްވުމުގެ ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ، އެ މަނިކުފާނު އެންމެފަހުން ޗައިނާއަށް ކުރެއްވި ދަތުރުފުޅުގައި އެ ގައުމުން ދޭން ނިންމެވި 130 މިލިއަން ޑޮލަރުގެ ހިލޭ އެހީގެ ތެރެއިން އެންމެ އިސްކަންދޭ މަޝްރޫއަކީ މާލޭގެ މަގު ހެދުން ކަމަށެވެ.
ދެވަނަ މަޝްރޫއަކީ ވިލިމާލޭގައި 100 އެނދުގެ ޓާޝަރީ ހޮސްޕިޓަލެއް އެޅުން ކަމަށާއި އެ ދެ މަޝްރޫއު ޗައިނާގެ ހިލޭ އެހީގެ ތެރެއިން ނިންމަވާނެ ކަމަށްވެސް ރައީސް ވިދާޅުވި އެވެ.
”އެހެންވީމާ، މާލޭގެ ރައްޔިތުންނަށް، އެއީ، އެންމެ ގިނަ ރައްޔިތުން ދިރިއުޅޭ ސަރަހައްދުވީމާ، މި ސަރަހައްދަށް މީގެ އިމްޕެކްޓް އެންމެ ބޮޑަށް ބޭނުންވާނީ. އެހެންވީމާ، މިގޮތަށް ލިބުނު ހިލޭ އެހީ، އަޅުގަނޑުމެން މި އިސްކުރީ، އެންމެ ގިނަ ރައްޔިތުންނަށް ފައިދާވާ ގޮތަކަށް ކަންކަން ކުރަން. އޭގެ އިތުރަށް، އެކި ރަށްތަކުގެ ލެބޯރެޓަރީތައް ގާއިމުކުރުމަށް ބޭނުންވާ ތަކެތި ހޯދުމާއި ބައެއް ރަށްތަކުގެ ބައެއް އެހެން ކަހަލަ އެންވަޔަރަންމަންޓަލް ރިލޭޓަޑް ބައެއް މަސައްކަތް ކުރުންވެސް އޭގައި ހިމެނޭ،“ ރައީސް ވިދާޅުވި އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ރައީސް މުއިއްޒަށް ސިހުރު ހެދި ކަމަށް ފުލުހުން ބުނާ ސިހުރުވެރިޔާ ދޫކޮށްލައިފި
ޝަމްނާޒާ ދެކޮޅަށް ސިހުރުގެ މައްސަލަ ހުށަހެޅީ ރައީސްގެ ފަރާތްޕުޅަކުން ނޫން: ސަރުކާރު
ބަކާ ނިޔާވުމަކީ ދިވެހި ހުރިހާ ރައްޔިތުންނަށް ލިބުނު ފުން ހިތާމެއް: ރައީސް
ހަރަދު ކުޑަކުރުމާއި އާމްދަނީ އިތުރުކުރުމުގެ ސިޔާސަތެއް އެކުލަވާލަނީ
އީޔޫ އިން ދޭ ފުރުސަތުތައް ރާއްޖެއަށް ހޯދަން ސަމޯއާ އެގްރިމަންޓުގައި ބައިވެރިވާން
ހައްޖުގެ ފުރިހަމަ އިންތިޒާާމުތަކަށް ރައީސް މުއިއްޒު ސައުދީއަށް ޝުކުރު އަދާކުރައްވައިފި