ހޯރަފުށީގައި ހަދަން ފެށި ކުޑަކުދިންގެ ކަރެކްޝަނަލް މަރުކަޒު އިމާރާތްކޮށް ނިންމާލައިފި

ހއ. ހޯރަފުށީ ޖުވެނައިލް ޖަސްޓިސް ޔުނިޓް (ހާފްވޭ ހައުސް) އިމާރާތް ކުރުމުގެ މަޝްރޫއު ނިންމާލާފައިވާ ކަމަށް އެ މަޝްރޫއުގެ ކޮންޓްރެކްޓަރު އެމްޓީސީސީން ބުނެފި އެވެ.

ޖުމުލަ 6.15 މިލިއަން ރުފިޔާގެ އެ މަޝްރޫއުގެ އަމަލީ މަސައްކަތް ފެށީ އޮކްޓޯބަރު 2022ގަ އެވެ.

އެ މަޝްރޫއުގެ ދަށުން ގްރައުންޑް މަސައްކަތާއި ކޮންކްރީޓް މަސައްކަތާއި މޭޝަނަރީ އަދި ޕްލާސްޓަރިން މަސައްކަަތްތަކާއި ފުރާޅު އަދި ސީލިން މަސައްކަތްތަކާއި ދޮރާއި ކުޑަދޮރު ހަރުކުރުމާއި ފިނިޝިން މަސައްކަތްތަކާއި މެކޭނިކަލް، އިލެކްޓްރިކަލް އަދި ޕްލަމްބިން މަސައްކަތްތަކާއި އަލިފާން ނިއްވާ ސިސްޓަމް ވަނީ ހަރުކޮށްފަ އެވެ.