އެކަނި ދަރިން ބަލަހައްޓާ މައިން ނުވަތަ ބަފައިންނަށް ދޭ އެލަވަންސް ދޭން ނުޖެހޭ 12 ފަރާތަކަށް ދީފައިވާކަން ހާމަވެއްޖެ އެވެ.
އެކަން ހާމަވީ އޮޑިޓާ ޖެނެރަލްގެ އޮފީހުން ހެދި ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ)ގެ 2022 ވަނަ އަހަރުގެ މާލީ އޮޑިޓް ރިޕޯޓުންނެވެ.
އޮޑިޓާ ޖެނެރަލްގެ އޮފީހުން ބުނެފައިވަނީ، އެންސްޕާ އިން އެކަނިވެރި މައިން ނުވަތަ ބަފައިންގެ އެލަވަންސް ދީފައިވަނީ އުސޫލާ އެއްގޮތަށްތޯ ބެލުމަށްޓަކައި، އެ އެހީ ލިބުނު ބައެއް މީހުންގެ ލިސްޓެއް ފެމިލީ ކޯޓަށް ފޮނުވައި އެ މީހުން ކައިވެންޏެއް ކޮށްފައިވޭތޯއާއި ކައިވެނިކޮށްފައިވާ ނަމަ، ކައިވެނި ކުރި ތާރީހު ހޯދާފައިވާނެ ކަމަށެވެ.
ފެމިލީ ކޯޓުން ހޯދި މައުލޫމާތަށް ބަލާއިރު އެކަނިވެރި މައިން ނުވަތަ ބަފައިންގެ އެލަވަންސް ދީފައިވާ ބައެއް މީހުންނަކީ އެހީ ދީފައިވާ މުއްދަތުގައި ކައިވެނިކޮށްގެން އުޅޭ ފަރާތްތަކެއްކަން ފާހަގަކުރެވިފައިވާ ކަމަށް ބުންޏެވެ.
އެގޮތުން އެ އެލަވަންސް ދޭން ނުޖެހޭ 12 މީހަކަށް ޖުމުލަ އެއް މިލިއަން ރުފިޔާ 31 އޮގަސްޓް 2023ގެ ނިޔަލަށް ދީފައިވާކަން ފާހަގަކުރެވުނު ކަމަށް ބުންޏެވެ.
އޮޑިޓާ ޖެނެރަލްގެ އޮފީހުން ބުނީ، އެކަން އެހެން ދިމާވަނީ ކައިވެންޏާއި ވަރީގެ މައުލޫމާޓު ފެމިލީ ކޯޓުން/ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ގަވާއިދުން ހޯދާ އެ އެލަވަންސް ދޭ މީހުންގެ ސައްހަކަން ބެލުމަށްޓަކައި އިންތިޒާމުތައް ހަމަޖައްސާފައި ނުވާތީ ކަމަށެވެ.
ގުޅުންހުރި
ބޭރު ގައުމުތަކުގައި ތިބޭ ދިވެހިންނަށް ދައުލަތުގެ އެހީތެރިކަން ލިބޭ ގޮތް ހަދާނަން:
ބައްސާމް އެދުނު ގޮތަށް އެޕާޓްމަންޓްތައް ހަވާލުކުރަން ދިން މުއްދަތު ފުލުހުން އިތުރުކޮށްދީފި
އައިއެމްއެފްގެ އެހީއެއް ނުހޯދާނަން، އިންޑިއާ އިން ރާއްޖޭގެ ބުރަ ލުއިކޮށްދޭނެ: ރައީސް
ރައީސާއި ޖައިޝަންކަރާ ބައްދަލު ކުރައްވައިފި، ފުޅާ ދާއިރާއެއްގައި މަޝްވަރާ ކުރެއްވި
ވަޒީފާއަށް ފިލައިގެން އުޅުނު ކަމަށް ބުނެ ފުލުހަކު ވަކިކުރީ ގަވާއިދާހިލާފަށް: ހައި
ފުރަމާނަ ދަތުރުފުޅެއްގައި ރައީސްގެ ދެކަނބަލުން އިންޑިއާއަށް ފުރާވަޑައިގެންފި