މިދިޔަ ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން އިއުލާނު ކުރި ގެދޮރުވެރިޔާ ފްލެޓުތައް ލިބުނު ފަރާތްތަކުގެ ލިސްޓާމެދު މި ހަފުތާ ތެރޭގައި ގޮތެއް ނިންމާނެ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން މިއަދު ބުނެފި އެވެ.
އޭސީސީން ގެދޮރުވެރިޔާ ފްލެޓުތަކުގެ މައްސަލަ ބަލަން ފެށީ ކުރީ ސަރުކާރުގެ ފަހުކޮޅު ލިސްޓު އާންމުކޮށް ފްލެޓު ހަވާލު ކުރުމުގެ މަސައްކަތް ކުރިއަށް ދަނިކޮށެވެ.
އެ މަސައްކަތް 16 ނޮވެމްބަރު 2023ގައި އެ ކޮމިޝަނުން ހުއްޓުވީ ފްލެޓު ހައްގު ނުވާ ބަޔަކަށް މަގާމުގެ ބޭނުން ނާޖާއިޒު ގޮތުގައި ހިފައިގެން އޭރުގެ ސަރުކާރުން ފްލެޓު ދީފައި ހުރި ކަމަށް އާންމުން ކުރަމުންދިޔަ ތުހުމަތުތަކުގެ ސަބަބުންވެ
އެ މައްސަލަ މުޅިން ބަލައި ނިމިފައި ނުވި ނަމަވެސް އޭސީސީން ވަނީ ގެދޮރުވެރިޔާ ޕޯޓަލްއިން އޮޓުމެޓިކުކޮށް ލިބުނު ޕޮއިންޓުތަކަށް އޭރު ބަދަލު ގެނެސްފައި ހުރިކަން މިހާތަނަށް ކުރި ތަހުގީގުން އެނގިފައިވާ ކަމަށް ބުނެފަ އެވެ. ނަމަވެސް އެކަމުގެ ތަފުސީލެއް ނުދެ އެވެ.
ފުލެޓް ލިސްޓާމެދު މި ހަފުތާ ތެރޭގައި ގޮތެއް ނިންމާނެ ކަމަށް އޭސީސީން ބުނި އިރު، ފުލެޓް ލިސްޓާ ގުޅޭ ގޮތުން އެ ކޮމިޝަނުން ހުށަހަޅާފައިވާ މައްސަލަ ނިމޭތާ ތިން ދުވަސް ތެރޭގައި ފުލެޓު އެއްބަސްވުމުގައި ސޮއިކުރަން ފަށާނެ ކަމަށް ފަހި ދިރިއުޅުން ކޯޕަރޭޝަން (އެފްޑީސީ) އިން ވަނީ ބުނެފަ އެވެ.
ގުޅުންހުރި
4،000 ފުލެޓް ނިންމަން 30 މިލިއަން ރުފިޔާ ބޭނުންވޭ، އެ ފައިސާ
އަންނަ ހަފުތާގައި ވަގުތީ ލިސްޓު ނެރޭނަން، އަހަރު ނިމުމުގެ ކުރިން ފްލެޓް
ކުއްޔަށް އުޅޭ 70% މީހުންނަށް މި ދައުރުގައި ދިރިއުޅޭނެ އަމިއްލަ ތަނެއް
އޭސީސީގެ ރައީސް އައްޔަންކުރުމުގެ ބާރު ރައީސަށްދޭން ހުށަހަޅައި ބަހުސް ފަށައިފި
ފުލެޓް ލިސްޓު މިމަހު އާންމު ނުކުރެވޭނެ، ލިސްޓް އާންމު ކުރެވޭނީ މިއަންނަ
ފެނަކައިގެ މަތިމަރަދޫ ބްރާންޗުގެ ކުރީގެ ވެރިއަކަށް ދައުވާކުރަން ފޮނުވައިފި