ރާއްޖޭގައި ހިންގާ އުމްރާނީ ތަރައްގީގެ އެންމެ ބޮޑު މަޝްރޫއު, ގްރޭޓާ މާލެ ކަނެކްޓިވިޓީ ޕްރޮޖެކްޓް ނުވަތަ ތިލަމާލެ ބްރިޖު ޕްރޮޖެކްޓުގެ 33.4 ޕަސެންޓް ނިމިފައިވާ ކަމަށް ކޮންސްޓްރަކްޝަން މިނިސްޓްރީން ބުނެފި އެވެ.
ކޮންސްޓްރަކްޝަން މިނިސްޓްރީގެ ސްޓޭޓް އަދި ޑެޕިއުޓީ މިނިސްޓަރުންނާއި އިންޖިނިއަރިން ޓީމެއް މިއަދު ވަނީ ތިލަމާލެ ބްރިޖުގެ މަޝްރޫއު ކުރިއަށްދާ ގޮތް ބައްލަވާލެއްވުމަށް ސައިޓަށް ވަޑައިގެންފަ އެވެ.
އެ ޒިޔާރަތަށްފަހު ބުރިޖުގެ އެންމެ ފަހުގެ މައުލޫމާތު ހިއްސާ ކުރައްވަމުން ކޮންސްޓްރަކްޝަން މިނިސްޓްރީގެ ސްޓޭޓް މިނިސްޓަރު އިބްރާހިމް ތައާމު ވިދާޅުވީ، ތިލަމާލެ ބްރިޖު މަޝްރޫއުގެ ޕައިލިން މަސައްކަތުގެ 54.4 ޕަސެންޓް ނިމިފައިވާ ކަމަށެވެ.
”މި މަޝްރޫއުގެ މަސައްކަތް މިހާރު ހުރީ ތާވަލާ އަޅައިބަލާއިރު 1.2 ޕަސެންޓް ކުރީގައި،“ އޭނާ ވިދާޅުވި އެވެ.
ތައާމު ވިދާޅުވީ، މަޝްރޫއު ކުރިއަށްދާއިރު ދިމާވެދާނެ ގޮންޖެހުންތައް ދިރާސާކޮށް މަސައްކަތް މަޑުޖެހުމެއްނެތި ކުރިއަށް ގެންދިއުމަށް އަޅަންޖެހޭ ފިޔަވަޅުތައް މިނިސްޓްރީން ދުރާލާ އަޅަމުންދާ ކަމަށެވެ
އިންޑިއާގެ އެފްކޮންސްއާ ހަވާލުކޮށްގެން ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ފެށި ތިލަމާލެ ބްރިޖުގެ މަސައްކަތަކީ އެގްޒިމް ބޭންކުން ދިން 8.2 ބިލިއަން ރުފިޔާގެ ލޯނެއްގެ ދަށުން ހިންގާ މަޝްރޫއެކެވެ.
ގުޅުންހުރި
މާލޭ ގެއަކުން މަރުވެފައި އޮތް މީހަކު ފެނިއްޖެ
އުސޫލުން ބޭރުން އޭސީޕީ ރަޖުނީ ވިނަރެސް ފުލެޓް ހޯދި ކަމަށް ތުހުމަތުވާ
ބިންވެެރިޔާ މައްސަލައިގައި އިންސާފުވެރި ތަހުގީގެއް ހިންގޭނެ ކަމަށް ގަބޫލުނުކުރެވޭ: އެމްޑީޕީ
ފެންބޮޑުވުމުގެ ސަބަބުން މާލޭގެ ފަސް ގެއަކުން މީހުން ބަދަލުކޮށްފި
މާލޭގައި އޮތް ފަޒީލްގެ ބިމުގެ އެއްބައި މިހާރުވަނީ އަނބިމީހާއަށް ހިބަކޮށްދީފައި!
ރެއިން ފެށިގެން ހުއްޓުމެއް ނެތި ކުރި ވިއްސާރައިގައި މާލެ ފެނު އަޑީގައި