މާލޭގައި ސުލްހަވެރިކަމާއެކު އެއްވެ އުޅުމަށްޓަކައި އިތުރު ސަރަހައްދެއް ހަމަޖެއްސުމުގެ މަސައްކަތް ކުރަމުން އަންނަ ކަމަށް ހޯމް މިނިސްޓަރު އަލީ އިހްސާން ވިދާޅުވެއްޖެއެވެ.
މިއަދު އިސްކަންދަރު ކޮށީގައި ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު އިހްސާން ވިދާޅުވީ ރައީސް ޑރ. މުހައްމަދު މުއިއްޒުގެ ވިސްނުންފުޅަކީ އެއްވެ އުޅުމުގެ މިނިވަންކަން ދެވެން އޮތް އެންމެ ފުޅާމިނެއްގައި ދިނުން ކަމަށެވެ.
”އެއްވެ އުޅުމުގެ ގާނޫނު އަޅުގަނޑުމެން އެއްކޮށް ދޫކޮށެއް ނުލަން. އެކަމަކު ރައީސުލްޖުމްހޫރިއްޔާގެ ވައުދުފުޅަކީ އޭގެއިން ދެވެންޖެހޭ ލުއިތައް ދިނުމުގެ ކަންތައް. ހަފްތާ 14ގެ ތެރޭގައި އިއުލާނު ކުރާނަން ވަރަށް އަވަހަށް އޭގެއިން ކަނޑައަޅާ ލުއިތައް,“ މިނިސްޓަރު އިހުސާން ވިދާޅުވިއެވެ.
މިނިސްޓަރު އިހްސާން ވިދާޅުވީ ކުރިން ހުއްދައެއް ނުނަގައި މާލެ ސަރަހައްދުގައި އެއްވެ އުޅެވޭނެ ތަންތަން ރައީސް މުއިއްޒުގެ ހަފްތާ 14 ނިމުމުގެ ކުރިން އިއުލާނު ކުރައްވާނެ ކަމަށެވެ.
މީގެއިތުރުން އެއްވެ އުޅުމުގެ ގާނޫނަށް ހުށަހަޅާފައިވާ އިސްލާހު ރައްޔިތުންގެ މަޖިލީހުން އަވަހަށް ފާސްކޮށްދެއްވުމަށް މިނިސްޓަރު އިހްސާން މިއަދު ވަނީ އެދިވަޑައިގެންފައެވެ.
ސަރުކާރުން ކަނޑައަޅާ ތަނެއްގައި އެއްވެ އުޅެވޭގޮތަށް ގާނޫނަށް އިސްލާހު ގެނެސްފައި ވަނީ ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައެވެ. އެ އިސްލާހު އުވާލުމަށް އިތުރު އިސްލާހެއް ނިމިދިޔަ ރައީސް އިބްރާހީމް މުހައްމަދު ސޯލިހުގެ ވެރިކަމުގައި މަޖިލީހަށް ހުށަހެޅިއެވެ. ނަމަވެސް އެ އިސްލާހު އޮތީ ކޮމިޓީގައި ޕާކްކޮށްލާފައެވެ.
ގުޅުންހުރި
މަރެއްގެ މައްސަލައެއްގެ ހެކިން ރާއްޖެއިން ފުރުމުން އިންޓަޕޯލްގެ އެހީއަށް އެދިއްޖެ
ޑެޕިއުޓީގެ މަގާމުން އިސްތިއުފާދެއްވި މަލްޝާ ޕީއެންސީގެ އެތެރޭގެ އިންތިހާބުގައި ވާދަކުރަނީ
ކުރިމަގުގެ ޖީލު އެދެނީ ގާޒާގައި ހިންގަމުންދާ ގަތުލުއާންމު ހުއްޓުވާނެ ހިތްވަރެއް: ރައީސް
ޮލަންކާގެ އިންތިހާބީ ރައީސް ޑިސަނަޔަކަށް ރައީސް މުއިއްޒު ތަހުނިޔާ ވިދާޅުވެއްޖެ
ބީއެމްއެލްއަށް ސީއީއޯއަކު ހޯދަން އިއުލާންކޮށްފި
2 ކިލޯގެ ޑުރަގް އެތެރެކުރުން: ޕާކިސްތާން މީހަކަށާއި 2 ދިވެހިންނަށް ދައުވާ