ޓޫރިޒަމްގެ އެންމެ ބޮޑު އަދި މަހުޖަނުން ހިމެނޭ ޖަމިއްޔާ (މަޓީ)ގެ ބޯޑު މެންބަރު ކަމަށް ވެލާނާ އިންޓަނޭޝަނަލް އެއާޕޯޓް (ވީއައިއޭ) ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ސީއީއޯ އަދި މެނޭޖިން ޑިރެކްޓަރު އިބްރާހިމް ޝަރީފު ހިމެނޭހެން ދެ ބޭފުޅަކު އިންތިހާބުކޮށްފި އެވެ.
މަޓީގެ 34 ވަނަ އަހަރީ ޖަލްސާ ކުރުނބާ މޯލްޑިވްސްގައި އިއްޔެ ބޭއްވި އިރު، އެ ޖަމިއްޔާގެ ހިންގާ ކޮމިޓީގެ ހުސްވެފައިވާ މެންބަރު ކަމަށް ޝަރީފުގެ އިތުރުން ދެން އިންތިހާބު ކުރީ ރިޓްސް ކާލްޓަން މޯލްޑިވްސް އަދި ފަރި އައިލެންޑްސްގެ ޖެނެރަލް މެނޭޖަރު ރެނާޓޯ ދި އޮލިވޭރާ އެވެ. އޭނާއަކީ މެރިއޮޓް އިންޓަނޭޝަނަލް ތަމްސީލު ކުރައްވާ ބޭފުޅެވެ.
މަޓީން ބުނި ގޮތުގައި އެ ޖަމްއިއްޔާގެ 120 އަށް ވުރެ ގިނަ މެންބަރުންގެ ތެރެއިން 100 މެމްބަރަކު ބައިވެރިވެގެން ބޭއްވި އަހަރީ ޖަލްސާގައި ޓޫރިޒަމް މިނިސްޓަރު އިބްރާހިމް ފައިސަލް އާއި އިކޮނޮމިކް މިނިސްޓަރު މުހައްމަދު ސައީދު ބައިވެރިވެވަޑައިގެންނެވި ކަމަށެވެ.
މަޓީގެ ހިންގާ ކޮމިޓީގައި ދެން ތިއްބަވާ ބޭފުޅުންނަކީ:
- ޗެއާމަން: ޔުނިވާސަލްގެ ގުރޫޕްގެ ޗެއާމަން މުހައްމަދު އުމަރު މަނިކު (އެމްޔޫ މަނިކު)
- ވައިސް ޗެއާމަނުން: ޗަމްޕާ ގުރޫޕްގެ ވެރިޔާ ހުސައިން އަފީފް އަދި ވޮޔޭޖަސް މޯލްޑިވްސްގެ ހިއްސާދާރު ސަލާހު ޝިހާބު
- ސެކްރެޓަރީ ޖެނަރަލް – ކްރައުން ކޮމްޕެނީގެ ހިއްސާދާރު އަހުމަދު ނަޒީރު
ގުޅުންހުރި
މާންދީގެ އިތުރުން އެމްޑީޕީއާއި ފައްޔާޒުގެ މައްޗަށް ވެސް ފަސްޓް ލޭޑީގެ ފަރާތުން
ވެކޭޝަންސް އެކްސްޕޯ މާދަމާ ފަށަނީ، ޒިޔާރަތްކޮށްގެން އުމުރާ ދަތުރެއް ލިބުމުގެ ފުރުސަތު!
ކުރުސީ އެކައުންޓް ހިންގަނީ ކާކުކަން ވަރަށް ސާފުކޮށް އެނގޭ: ރަޝިޔާ
މަޖިލިސް މި ހިންގަނީ ވަރަށް ރަނގަޅަށް، ރައްޔިތުން ބޭނުންވާ ގޮތަށް: ފަލާހު
ރާއްޖޭގައި ހުންނަ އެމެރިކާގެ އެމްބަސީ ބަންދުކުރަނީ
މައުމޫން އަތުން 1.1 މިލިއަން ހޯދަން އެމްޓީސީސީން ހުށަހެޅި މައްސަލަ އަނބުރާ