ފަވަރަ އިން ފައިސާ ފޮނުވޭ ލިމިޓް ދެ ލައްކަ ރުފިޔާއާ ހަމައަށް ބޮޑުކޮށްފި

އެމްއެމްއޭ އިން ގާއިމުކުރި އިންސްޓަންޓް ޕޭމަންޓް ސިސްޓަމް، ‘ފަވަރަ’ އިން ފައިސާ ފޮނުވޭ ލިމިޓާއި ފައިސާއަށް އެދެވޭ ލިމިޓް ބޮޑުކޮށްފި އެވެ.

މީގެ ކުރިން ފަވަރައިގެ ލިމިޓަކީ:

• ޓްރާންސްފާ ކުރެވެނީ ފަހަރަކު 50،000 ރުފިޔާއާ ހަމައަށް
• ފައިސާއަށް އެދެވެނީ ފަހަރަކު 5،000 ރުފިޔާއާ ހަމައަށް

• ޓްރާންސްފާ ކުރެވެނީ ފަހަރަކު 200،000 ރުފިޔާއާ ހަމައަށް
• ފައިސާއަށް އެދެވެނީ ފަހަރަކު 10،000 ރުފިޔާއާ ހަމައަށް

މިގޮތަށް ލިމިޓް ބޮޑުކުރި ނަމަވެސް، ބޭންކުތަކުން އަމިއްލައަށް ކަނޑައަޅާ ލިމިޓުތައް އެޕްލައިވުމަކީ އެކަށީގެންވާ ކަމެކެވެ.

ރާއްޖޭގައި ފަސޭހަ، އަވަސް، އަދި ރައްކާތެރި ޕޭމަންޓް ހިދުމަތެއް ފޯރުކޮށްދިނުމަށް މަގުފަހިކުރުމުގެ ގޮތުން ފަވަރަ އިފުތިތާހު ކުރީ މިދިޔަ އޮގަސްޓް މަހުގެ ތެރޭގަ އެވެ.

ފަވަރަގެ ހިދުމަތް މި ވަގުތު ދެމުންދަނީ ބޭންކް އޮފް މޯލްޑިވްސް (ބީއެމްއެލް)، މޯލްޑިވްސް އިސްލާމިކް ބޭންކް (އެމްއައިބީ) އަދި ސްޓޭޓް ބޭންކް އޮފް އިންޑިއާ (އެސްބީއައި)ގެ އިތުރުން ބޭންކް އޮފް ސިލޯން (ބީއޯސީ) އަދި މޮރިޝަސް ކޮމާޝަލް ބޭންކް (އެމްސީބީ) އެވެ.