ރައްޔިތުންގެ މަޖިލީހުގެ އިންތިހާބު ބާއްވާތީ، އަންނަ މަހުގެ 21 އާއި 22 ވަނަ ދުވަސް ސަރުކާރު ބަންދު ދުވަސްތަކެއްގެ ގޮތުގައި ކަނޑައަޅައިފި އެވެ.
ރައީސް އޮފީހުން ނެރުނު ނޫސްބަޔާނެއްގައި ބުނީ ރައްޔިތުންގެ މަޖިލީހުގެ ވޯޓުލުމުގެ މަސައްކަތާ ގުޅިގެން އަންނަ މަހުގެ 21 ވާ އާދީއްތަ ދުވަހާއި 22 ވާ ހޯމަ ދުވަސް ސަރުކާރު ބަންދު ދެ ދުވަހުގެ ގޮތުގައި ރައީސް ޑރ. މުހައްމަދު މުއިއްޒު މިހާރު ހަމަޖައްސަވާފައިވާ ކަމަށެވެ.
އެ ދެ ދުވަސް ބަންދު ދެ ދުވަހުގެ ގޮތުގައި ރައީސް ހަމަޖެއްސެވީ އެއީ މަޖިލިސް އިންތިހާބުގެ ވޯޓުލުން ބާއްވާ ދުވަސް ކަމަށް ވުމާ އެކު، އިންތިހާބާ ގުޅޭ އެކިއެކި މަސައްކަތްތަކުގައި ސަރުކާރުގެ ގިނަ އަދަދެއްގެ މުވައްޒަފުންނާއި އާންމުން އުޅޭނެތީ، ވޯޓުލުން ބާއްވާ ދުވަސް ސަރުކާރު ބަންދު ދުވަހެއްގެ ގޮތުގައި ހަމަޖައްސައިދިނުމަށް އިލެކްޝަންސް ކޮމިޝަނުން އެދިފައި ވާތީ ކަމަށް ރައީސް އޮފީހުން ބުންޏެވެ.
އެ އޮފީހުން ބުނީ އެ ދުވަހާ ޖެހިގެން އަންނަ ދުވަސް ސަރުކާރު ބަންދު ދުވަހެއްގެ ގޮތުގައި ހަމަޖެއްސީ އިންތިހާބުގެ ވޯޓުލުމަށް ފަހުގައި ވޯޓު ގުނުމާއި ނަތީޖާ އިއުލާނުކުރުމާ އަދި އެ ނޫން ވެސް އިންތިހާބާ ގުޅުންހުރި މުހިންމު ގިނަ މަސައްކަތްތަކެއް އެ ދުވަހު ވެސް ކުރިއަށް ގެންދާނެތީ، އިލެކްޝަންސް ކޮމިޝަނުން އެ ދުވަސް ވެސް ބަންދު ދުވަހެއްގެ ގޮތުގައި ހަމަޖައްސައިދިނުމަށް އެދިފައި ވާތީ އެވެ.
މަޖިލިސް އިންތިހާބު އެންމެ ފުރަތަމަ ބާއްވަން ނިންމީ މިމަހުގެ 17 ވަނަ ދުވަހުއެވެ. އެއީ ރޯދަ މަހުގެ ހަތް ވަނަ ދުވަހެވެ. އެކަމާ ގުޅިގެން އާންމުންގެ ގިނަ ބަޔަކު ކަންބޮޑުވުން ފާޅުކުރުމުން ރޯދަ މަހު އެއްވެސް އިންތިހާބެއް ނުބޭއްވުމަށާއި ރޯދަމަސް ނިމި 10 ދުވަސް ފަހުން އިންތިހާބު ބޭއްވުމަށް އެމްޑީޕީން ހުށަހެޅި އެވެ.
އެ އިސްލާހުތައް ފާސްކޮށް ރައީސް ބިލް ތަސްދީގު ކުރެއްވުމުން، މަޖިލިސް އިންތިހާބު އަންނަ މަހު ބާއްވަން ވަނީ ފަސްކޮށްފަ އެވެ.

ގުޅުންހުރި
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ރައްޔިތުންނާ ގުޅުން ބަދަހިކުރަން ރައީސް މުއިއްޒު ޕޮޑްކާސްޓެއް ފައްޓަވަނީ
ތެލެސީމިއާ ސެންޓަރުގެ ކަންކަން ހައްލުކުރަން ވަރުގަދަ ފިޔަވަޅުތަކެއް އަޅަން ރައީސް އަންގަވައިފި