އަލަށް ގެ އަޅާ މީހުންނަށް ފަސް ޕަސެންޓަށް ވުރެ އިންޓްރެސްޓު މަތި ނުވާނެހެން ލޯން ސްކީމެއް ތައާރަފްކޮށް އެކަމަށް އެދެން ވަރަށް އަވަހަށް ހުޅުވާލާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
މިއަހަރު ބާއްވާ ރައްޔިތުންގެ މަޖިލީހުގެ އިންތިހާބުގައި މައްޗަންގޮޅީ މެދު ދާއިރާއަށް ވާދަ ކުރައްވާ މާލެ ސިޓީ ކައުންސިލްގެ މެންބަރު އަހްމަދު ޒަމީރުގެ ކެމްޕެއިން ޖަލްސާގައި މިރޭ ވާހަކަފުޅު ދައްކަވަމުން ރައީސް ވިދާޅުވީ އެ ލޯނަކީ މާލޭގެ އިތުރުން އެހެން ރަށްރަށުގައި އަމިއްލަ ގޯތި ހުރެ އެ ގޯތީގައި ގެޔެއް އިމާރާތް ކުރެވޭނެ ތަނަވަސްކަން ނެތް، އަދި އާންމުކޮށް ހުންނަ ކޮމާޝަލް ރޭޓުތަކުގައި ލޯނު ނަގައިގެން ގެ ނެހެދޭނެ މީހުންނަށް އަތްފޮރާ ފަށުގައި ލުއި ލޯނުތަކެއް ދިނުމަށްޓަކައި ދޫކުރާ ލޯނެއް ކަމަށެވެ.
”މިހާރު ހަމަ ގާތްގަނޑަކަށް އަޅުގަނޑުމެންގެ ހުރިހާ ފަންނީ، ޓެކްނިކަލް ހުރިހާ މަސައްކަތްތަކެއް ނިމުމަކާ ހަމަ އަށް ގޮސްފައި އެވަނީ. އަޅުގަނޑަށް ގަބޫލު ކުރެވެނީ ހަމަ ވަރަށް އަވަހަށް ދެން ބާކީ ހުރި ހުރިހާ ކަންކަން ނިންމައިލައިގެން، އަޅުގަނޑުމެންނަށް ވަރަށް އަވަހަށް އެ ފުރުސަތު ހުޅުވާލެވޭނެ ކަމަށް،“ ރައީސް ވިދާޅުވިއެވެ.
ރައީސް ވިދާޅުވީ އެ ލޯނު ސްކީމާ ގުޅޭ ވަރަށް ގިނަ މަސައްކަތްތަށް މިދިޔަ 100 ދުވަސްތެރޭގައި ކޮށްފައިވާ ކަމަށެވެ. އެ މަނިކުފާނު ވިދާޅުވީ އެ ލޯން ސްކީމުގެ ތެރޭގައި ކޮންވެންޝަނަލް ލޯން އަދި އިސްލާމިކް ފައިނޭންސް ލޯނާއި ދެ ވައްތަރުގެ ލޯނު ހުންނާނެ ކަމަށެވެ.
އަދި ވިދާޅުވީ ގެ ހަދަން ފަށައިފައި ވަކި ހިސާބަކުން ފައިސާ ނެތުމުގެ ސަބަބުން މަސައްކަތް ހުއްޓިފައިވާ ގެތަކުގެ މަސައްކަތްބ ކުރިއަށް ގެންދިޔުމަށްވެސް ހާއްސަ ލޯނެއް ތައާރަފުކުރާނެ ކަމަށެވެ.
ލޯނު ސްކީމު ތައާރަފުކުރަނީ މުޅި ރާއްޖެއަށް ކަމަށްވިޔަސް އެންމެ ގިނަ ފުރުސަތު ލިބޭނީ މާލޭ ރައްޔިތުންނަށްކަމަށް އެ މަނިކުފާނު ވިދާޅުވިއެވެ.

ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
މުސާރަ ކުޑަކޮށްފި ނަމަ ކެމްޕެއިނަށް ނެގި އެތައް މިލިއަނެއްގެ ދަރަނި އަދާނުކުރެވޭނެ:
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް