މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ)ގެ ޗީފް އެގްޒެކެޓިވް އޮފިސަރު (ސީއީއޯ) އަދި މެނޭޖިން ޑިރެކްޓަރު އަހުމަދު ޝަމާހު ރަޝީދުގެ ސަސްޕެންޝަން އުވާލައިފި އެވެ.
ޝަމާހުއާ ގުޅޭ ގޮތުން ކޯޕަރޭޓް ގަވަނަންސްއާ ގުޅުން ހުރި މައްސަލަތަކެއް ހުށަހަޅާފައިވާ ކަމަށް ބުނެ ޕްރައިވަޓައިޒޭޝަން އެންޑް ކޯޕްރަޓައިޒޭޝަން ބޯޑް (ޕީސީބީ) އިން ޝަމާހު ސަސްޕެންޑް ކުރީ ހުސްވި މާޗް މަހުގެ 18 ގަ އެވެ. އެއީ 14 ދުވަހުގެ މުއްދަތަށެވެ.
ނަމަވެސް ފަހުން 31 މާޗުގައި އޭނާގެ ސަސްޕެންޝަންގެ މުއްދަތަށް އިތުރު 21 ދުވަސް ޖެހި އެވެ. އެއީ މި މަހުގެ 21 ވަނަ ދުވަހާ ހަމައަށެވެ.
މިފްކޯ އިން މިއަދު ބުނީ ސީއީއޯ ޝަމާހުގެ ސަސްޕެންޝަން އުވާލިކަން ޕީސީބީ އިން އެންގުމާއެކު ކުންފުނި ހިންގުމުގެ މަސައްކަތްތަކަށް އޭނާ އޮފީހަށް ނުކުންނަވާފައިވާ ކަމަށެވެ. އެކަމާ ގުޅިގެން އެ ކުންފުނީގެ ހިންގުމުގެ ކަންކަން ހަމަޖައްސަން އުފެއްދި އިންޓަރިމް ކޮމިޓީ އުވާލާފައިވާ ކަމަށްވެސް ބުނެފައިވެ އެވެ.
ގުޅުންހުރި
ކޮމަންޑޫގެ ފަޅުގެއަކަށް ހަތަރު ލައްކަ ރުފިޔާގެ ކަރަންޓު ބިލެއް!
ފިރިހެން ކުއްޖަކު، ހަތަރު އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް
ދަރުމަވަންތަ ހޮސްޕިޓަލާ ދިމާ ބޭރުން އަނިޔާވެފައި އޮއްވައި ފެނުނު މީހާ މަރުވެއްޖެ
ސްޓެލްކޯއިން ހިންމަފުށީގައި ގާއިމުކުރި މީޑިއަމް ވޯލްޓޭޖް ޑިސްޓްރިބިއުޝަން ވިއުގަ ބޭނުން ކުރަން
ބޭރު ފައިސާގެ ބިލާއެކު ދައުރުވާ ޑޮލަރު ބޮޑުތަނުން އިތުރުވެގެންދާނެ: ރައީސް
ޑޮލަރު މާރުކުރުމަށް ނިންމި ނިންމުމަށް ލުއި ދީފައިނުވާނެ: މުނައްވަރު