ޓްރާންސްޕޯޓް މިނިސްޓްރީގައި މިނިސްޓަރާ އެކު ޖުމުލަ 32 ސިޔާސީ ބޭފުޅުން އައްޔަންކޮށްފައިވާކަން ހާމަވެއްޖެ އެވެ.
އެކަން ހާމަވީ، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން ޓްރާންސްޕޯޓް މިނިސްޓްރީގެ މުވައްޒަފުންގެ މުސާރަ ހޯދަން އައިމަން ލަތީފް ނަމަކަށް ކިޔާ މީހަކު އެ މިނިސްޓްރީގައި އެދުމުން ފޮނުވި ޖަވާބުންނެވެ.
ޓްރާންސްޕޯޓް މިނިސްޓްރީން ދިން ޖަވާބުން އެނގޭ ގޮތުގައި މިނިސްޓަރު މުހައްމަދު އަމީން އަށް މުސާރަ އާއި އިނާޔަތުގެ ގޮތުގައި 62،713 ރުފިޔާ ލިބިވަޑައިގަންނަވަ އެވެ.
އެ މިނިސްޓްރީގައި ތިއްބަވާ ދެ ސްޓޭޓް މިނިސްޓަރުންގެ ތެރެއިން ޑރ. އިބްރާހިމް ޝިޔާމަށް 41،435 ރުފިޔާ ލިބިވަޑައިގަންނަވާއިރު، އަބްދުލް ލަތީފް މުހައްމަދަށް 43،500 ރުފިޔާ ލިބިވަޑައިގަންނަވަ އެވެ. އަދި 13 ޑެޕިއުޓީ މިނިސްޓަރުން ތިއްބަވާއިރު އޭގެ ތެރެއިން ކޮންމެ ބޭފުޅަކަށް މުސާރައިގެ ގޮތުގައި 30،240 ރުފިޔާ ލިބިވަޑައިގަންނަވަ އެވެ.
ޓްރާންސްޕޯޓް މިނިސްޓްރީގައި ސީނިއާ ޕޮލިޓިކަލް ޑިރެކްޓަރުންގެ ގޮތުގައި 9 ބޭފުޅުން އަދި ޕޮލިޓިކަލް ޑިރެކްޓަރުންގެ ގޮތުގައި 7 ބޭފުޅުން ތިއްބަވާ އިރު، އެ ބޭފުޅުންގެ މުސާރައަށް މަހަކު 345،935 ރުފިޔާ ހަރަދުވެ އެވެ.
އެހެންކަމުން ސިޔާސީ މަގާމުތަކުގައި ތިއްބެވި 32 ބޭފުޅުންގެ މުސާރައަށް ޓްރާންސްޕޯޓް މިނިސްޓްރީން މަހަކު 886،703 ރުފިޔާ ހަރަދު ކުރެ އެވެ. އެއީ އެ މިނިސްޓްރީގެ މުވައްޒަފުންގެ މުސާރައަށް ކުރާ ހަރަދުގެ 50 ޕަސެންޓެވެ.
އެ މިނިސްޓްރީގައި ތިއްބަވާ ސިޔާސީ ބޭފުޅުންނާއި މުވައްޒަފުންގެ މުސާރައަށް މަހަކު 1،763،609 ރުފިޔާ ހަރަދުވެ އެވެ.
ގުޅުންހުރި
ސްޓެލްކޯ އިން ހަދާ އިލެކްޓްރިކް ވެހިކަލް ޗާޖުކުރާ ސްޓޭޝަންގެ މަސައްކަތް ކުރިއަށް
ރާއްޖެ-އިންޑިއާ ގުޅުން ރަނގަޅުވާތީ ނަޝީދު އުފަލުން: އަބަދުވެސް ތިބެންވާނީ އެކުވެރިކަމުގައި
ބޭރު ގައުމުތަކުގައި ތިބޭ ދިވެހިންނަށް ދައުލަތުގެ އެހީތެރިކަން ލިބޭ ގޮތް ހަދާނަން:
ބައްސާމް އެދުނު ގޮތަށް އެޕާޓްމަންޓްތައް ހަވާލުކުރަން ދިން މުއްދަތު ފުލުހުން އިތުރުކޮށްދީފި
އައިއެމްއެފްގެ އެހީއެއް ނުހޯދާނަން، އިންޑިއާ އިން ރާއްޖޭގެ ބުރަ ލުއިކޮށްދޭނެ: ރައީސް
ރައީސާއި ޖައިޝަންކަރާ ބައްދަލު ކުރައްވައިފި، ފުޅާ ދާއިރާއެއްގައި މަޝްވަރާ ކުރެއްވި