ރިސޯޓަކުން ސްނޯކްލިންއަށް ދިޔަ ޓޫރިސްޓަކު ގެނބިގެން މަރުވެއްޖެ

ކ. އަތޮޅުގެ ރިސޯޓަކުން ސްނޯކްލިންއަށް ދިޔަ ޓޫރިސްޓަކު ގެނބިގެން މަރުވެއްޖެ އެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ، އެ ޓޫރިސްޓު މީހާ ގެނބިގެން އޭޑީކޭ ހޮސްޕިޓަލަށް ގެންނަ ކަމަށް ރިޕޯޓް ލިބުނީ މިއަދު 11:30 އެހާކަންހާއިރު ކަމަށެވެ.

ނަމަވެސް އޭޑީކޭ ހޮސްޕިޓަލަށް ގެންދިޔައިރުވެސް މީހާ މަރުވެފައިވާ ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.

”ހަފްތާ“ އަށް މައުލޫމާތު ލިބިފައިވާ ގޮތުގައި މަރުވެފައިވަނީ ކ. ފިހާނޮޅި އައިލެންޑް ރިސޯޓުގައި ސްނޯކްލިންއަށް ގޮސް އުޅުނު ރަޝިއާ ފިރިހެނެކެވެ. އޭނާގެ އުމުރެއް އަދި ޔަގީނެއް ނޫނެވެ.