ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވެރިކަމުގެ ފަސް އަހަރުގެ މި ދައުރުގެ ތެރޭގައި ރާއްޖެއަށް ބޭނުންވާ ލޮނު ރާއްޖޭގައި އުފައްދަން ފެށޭވަރުވާނެ ކަމަށް އިކޮނޮކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
އިކޮނޮމިކް މިނިސްޓްރީގެ މަސައްކަތްތަކާ ބެހޭގޮތުން ނޫސްވެރިންނަށް މައުލޫމާތު ދިނުމަށް އިއްޔެ ބޭއްވި ނޫސް ކޮންފަރެންސްގައި ސައީދު ވިދާޅުވީ، އިގުތިސޯދު ޑައިވާސިފައި ނުވަތަ ސިންދަފާތު ކުރުމުގެ މަސައްކަތް ކުރަމުންދާއިރު، ރާއްޖޭގައި ބޮޑު ކަނޑެއް އޮތުމުން އޭގެ މަންފާ ކުރަންޖެހޭ ކަމަށެވެ.
އެގޮތުން ރާއްޖޭގައި ލޮނު އުފެއްދުމުގެ މަސައްކަތް ކުރުމަށް ބިޒްނަސް ސެންޓާ ކޯޕަރޭޝަން (ބިސީސީ)އާ ހަވާލުކޮށްފައިވާ ކަމަށާއި އެކަމަށްޓަކައި ދިރާސާ ކުރުމަށް އޫއެންޑީޕީގެ އެހީ ހޯދުމުގެ މަސައްކަތް ކުރަމުން އަންނަ ކަމަށްވެސް ސައީދު ވިދާޅުވި އެވެ.
ސައީދު އިތުރަށް ވިދާޅުވީ، ރާއްޖޭގައި އޮތް ޓޫރިޒަމް އިންޑަސްޓްރީއަށް ކޮލިޓީ ލޮނު އެތެރެ ކުރާއިރު ފަތުރުވެރިކަމަށާއި ރާއްޖޭގެ މީހުން ކާން ބޭނުންކުރާ ލޮނުގެ ބާވަތްތައް މި ފަސް އަހަރު ދުވަހުގެ ތެރޭގައި ރާއްޖޭގައި އުފައްދަން ފެށޭނެ ކަމަށެވެ.

ގުޅުންހުރި
ޝަރީއަތް ނިމެންދެން ޝަމްއާން ބަންދުކޮށްފި
ފިޝަރީޒްގެ ޑެޕިއުޓީ މިނިސްޓަރު ޝާފިއު އިސްތިއުފާ ދެއްވައިފި
ސިހުރު ހަދާކަމަށް ތުހުމަތުކުރެވޭ މައްސަލައެއްގައި ހޯރަފުށިން މީހަކު ހައްޔަރުކޮށްފި
އެޗްޑީސީގެ ބޯޑު މެންބަރަކު މަގާމުން ވަކިކޮށްފި
ސްކޫލްތަކުގެ ކިޔެވުން ފެށުނުއިރު 12 ސްކޫލަކުން 24 ޓީޗަރުން ހޯދަން އިއުލާންކޮށްފައި
އެމްޑީޕީގެ ރިޔާސީ ޕްރައިމަރީގައި ވާދަކުރަން ޝަމްހީދު ޝައުގުވެރިވެއްޖެ