ވިހިވަނަ މަޖިލީހަށް ހޮވުނު މެމްބަރުން ކުރިއަށް އޮތް ފަސް އަހަރަށް މަޖިލިސް މެމްބަރުކަމުގެ ހުވާކުރައްވައިފި އެވެ.
މިއަދު ހެނދުނު ރައްޔިތުންގެ މަޖިލީހުގައި ބޭއްވި ރަސްމިއްޔާތުގައި މެންބަރުންނަށް ހުވާލައިދެއްވީ އުއްތަމަ ފަނޑިޔާރު އަހުމަދު މުއުތަސިމް އަދުނާން އެވެ.
މިއަދު ހުވާކުރި 20 ވަނަ މަޖިލީހުގައި 93 މެންބަރުން ތިއްބަވާނެ އެވެ. އޭގެ ތެރެއިން ސަރުކާރު ހިންގާ ޕްރޮގްރެސިވް ކޮންގްރެސް ޕާޓީ (ޕީއެންސީ)ގެ 75 މެންބަރުން ތިއްބަވާނެ އެވެ. އެއީ ސުޕަ މެޖޯރިޓީ އެވެ. އެއާއެކު ގާނޫނުއަސާސީއަށް ބަދަލު ގެނައުމުގެ ބާރު ސަރުކާރު މެޖޯރިޓީއަށް އެބަ އޮތެވެ.
އެ އަދަދާއެކު ޖުމްހޫރީ ޕާޓީގެ ލީޑަރު ގާސިމް އިބްރާހިމް އާއި އެމްއެންޕީގެ ލީޑަރު މުހައްމަދު ނާޒިމްގެ އިތުރުން އެމްޑީއޭގެ ލީޑަރު އަހުމަދު ސިޔާމް މުހައްމަދުގެ އިތުރުން އެ ޕާޓީއަށް ނިސްބަތްވާ ވެލިދޫ ދާއިރާގެ މެންބަރު މުހައްމަދު އައްބާސް ވެސް މަސައްކަތް ކުރައްވާނީ ސަރުކާރާއެކު އެވެ.
އެހެންކަމުން ޕީއެންސީގެ މެންބަރުންނާއި ސަރުކާރަށް ތާއީދު ކުރާ މެންބަރުންނާއެކު އެ އަދަދު 79 އަށް އަރަ އެވެ.
އިދިކޮޅު އެމްޑީޕީއަށް މި ފަހަރުގެ މަޖިލިސް އިންތިހާބުގައި ކާމިޔާބު ކުރެވުނީ އެންމެ 12 ގޮނޑި އެވެ. ވިހިވަނަ މަޖިލީހުގައި ހިމެނެނީ އެންމެ ދެ މިނިވަން މެންބަރުންނެވެ.
ގުޅުންހުރި
އިންޑިއާއިން ދިން މެހެމާންދާރީއަށް ރައީސްގެ ޝުކުރު، ވިދާޅުވީ ގުޅުން ވަރުގަދަ ކުރައްވާނެ
އިސްލާމީ މަރުކަޒުގެ މަސްފެންގަނޑު މަރާމާތު ކޮށްދޭން ސްޓެލްކޯ އިން ޝައުގުވެރިކަން ފާޅުކޮށްފި
ބައްސާމްގެ އެޕާޓްމަންޓުގެ މައްސަލަ: އިއްޔެ ނިންމީ މުއްދަތު އިތުރު ކޮށްދޭން، މިއަދު
އައްޑޫގައި، އިންޑިއާގެ ކޮންސިއުލޭޓެއް ގާއިމުކުރުމާ ގުޅޭގޮތުން މަޝްވަރާކޮށްފި
މޯދީ، ރާއްޖެ ވަޑައިގަތުމަށް ރައީސް މުއިއްޒު ދައުވަތު ދެއްވައިފި
ޑިފޯލްޓް ވެދާނެކަމަށް ހީވި ސުކޫކަށް 25 މިލިއަން ޑޮލަރު ދައްކައިފި