އިންޑިއާގެ ބޮޑުވަޒީރު ނަރެންދުރަ މޯދީ ތިން ވަނަ ދައުރަކަށް ހުވާ ކުރެއްވުމަށް މާދަމާ ބާއްވާ ރަސްމިއްޔާތުގައި ބައިވެރިވެވަޑައިގަތުމަށް ރައީސް ޑރ. މުހައްމަދު މުއިއްޒު، އިންޑިއާގެ ވެރިރަށް ދިއްލީއަށް މިރޭ ފުރާވަޑައިގެންފި އެވެ.
މިއީ ރައީސް އިންޑިއާއަށް ކުރައްވާ ފުރަތަމަ ދަތުރުފުޅެވެ. މި ދަތުރުފުޅުގައި އެ މަނިކުފަނާއެކު އިކޮނޮމިކް މިނިސްޓަރު މުހައްމަދު ސައީދު، ފިނޭންސް މިނިސްޓަރު ޑރ. މުހައްމަދު ޝަފީގު އަދި ފޮރިން މިނިސްޓަރުު މޫސާ ޒަމީރު ވެސް އިންޑިއާއަށް ވަޑައިގަންނަވާނެ އެވެ.
މޯދީ ހުވާ ކުރެއްވުމުގެ ޖަލްސާގެ ބައިވެރިވެވަޑައިގަތުމުގެ ދައުވަތު ރައީސް ގަބޫލުފުޅު ކުރައްވައި އެކަން އިންޑިއާއިން، ރާއްޖެއަށް ކަނޑައަޅުއްވާފައިވާ ސަފީރު މުނޫ މަހާވަރަށް އެންގީ މިއަދުގެ ވަގުތެއްގަ އެވެ.
މޯދީ އިންތިހާބު ކާމިޔާބު ކުރެއްވުމާ ގުޅިގެން ރައީސް މުއިއްޒު ވަނީ މޯދީއަށް މަރުހަބާ ދަންނަވައިފައެވެ.ރައީސް މުއިއްޒު ވިދާޅުވެފައިވަނީ ތަރައްގީ އާއި ހަމަޖެހުން ހޯދުމަށް ދެ ގައުމު ގުޅިގެން ކުރެވޭ މަސައްކަތް އިތުރުވެގެންދާނެ ކަމަށް އުންމީދުކުރައްވާ ކަމަށެވެ.
މޯދީ ވިދާޅުވެފައިވަނީ ރާއްޖެއަކީ އިންޑިއާއަށް މުހިންމު ގައުމެއް ކަމަށާއި ދެގައުމުގެ ގުޅުން އިތުރަށް ބަދަހިވާން ބޭނުންވާ ކަމަށެވެ.
ގުޅުންހުރި
ފިހާރައަކަށް ވެދެ ތޫނު ހަތިޔާރުން ހަމަލާދިން މީހަކު ޝަރީއަތް ނިމެންދެން ބަންދުކޮށްފި
ޑރ. އިޔާޒްގެ އަނބިކަނބަލުން ޝާދިޔާ ބަންދުކުރަން ނިންމީ ގާނޫނާ ހިލާފަށް: ހައި
ބަނދަރަށް ވަންނަން ވާދަޖެހި ކަމަށް ބުނާ ލޯންޗުތަކުގެ ކެޕްޓަނުން ލައިސަންސް ހިފަހައްޓައިފި
ބައްސާމަށް ކުރާ ދައުވާގައި ބައެއް ހެކިތައް ސިއްރުކުރަން ދައުލަތުން އެދިއްޖެ
އިންޑިއާއިން ދިން މެހެމާންދާރީއަށް ރައީސްގެ ޝުކުރު، ވިދާޅުވީ ގުޅުން ވަރުގަދަ ކުރައްވާނެ
އިސްލާމީ މަރުކަޒުގެ މަސްފެންގަނޑު މަރާމާތު ކޮށްދޭން ސްޓެލްކޯ އިން ޝައުގުވެރިކަން ފާޅުކޮށްފި