ޓީއެމްއޭގެ ސީ-ޕްލޭނެއް ކަނޑަށް ޖައްސަން އުޅުމުގެ ތެރޭގައި އެކްސިޑެންޓެ ވެއްޖެ

ޓީއެމްއޭގެ ސީ-ޕްލޭނެއް ކަނޑަށް ޖައްސަން އުޅުމުގެ ތެރޭގައި އެކްސިޑެންޓެ ވެއްޖެ އެވެ.

ފުލުހުން ބުނީ އެ ހާދިސާ ހިނގާފައިވަނީ ބ. އަތޮޅުގެ ރިސޯޓަކަށް ސީޕްލޭން ޖައްސަން އުޅުމުގެ ތެރޭގައިކަމަށެވެ. އެ ހާދިސާގައި އެއްވެސް މީހަކަށް އަނިޔާ ނުވާކަމަށް ފުލުހުން ބުންޏެވެ.

އެ ހާދިސާ ހިނގާފައިވަނީ ބ.އަތޮޅުގައި އޮންނަ، ވެސްޓިން މޯލްޑިވްސް މިރިއަންދޫ ރިސޯޓަށް ސީޕްލޭން ޖައްސަން އުޅުމުގެ ތެރޭގައެވެ.

ސޯޝަލް މީޑިއާގައި އާންމުވަމުންދާ ވީޑިއޯއިން ފެންނަ ގޮތުގައި ސީޕްލޭން އެކްސިޑެންޓްވެ، ވަނީ ދިޔަވެފައެވެ.