ސަރުކާރުގެ ހަރަދު ކުޑަކުރަން ނިންމާފައިވަނިކޮށް ކެބިނެޓުގެ ހަތަރު މިނިސްޓަރަކު ރަސްމީ ދަތުރެއްގައި ރާއްޖެއިން ބޭރަށް ފުރާވަޑައިގެންފި އެވެ.
ރާއްޖެ އިން ބޭރަށް ވަޑައިގެންނެވި ވަޒީރުންގެ ތެރޭގައި ހިމެނެނީ ފޮރިން މިނިސްޓަރު މޫސާ ޒަމީރާއި އިކޮނޮމިކް މިނިސްޓަރު މުހައްމަދު ސައީދާއި އެންވަޔަރަމަންޓް މިނިސްޓަރު ތާރިގު އިބްރާހިމް އަދި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދެވެ.
މި ބޭފުޅުންގެ ތެރެއިން ޒަމީރު ވަޑައިގަތީ އެމެރިކާއަށެވެ. ފަސް ދުވަހުގެ ދަތުރެއްގައި ޒަމީރު ފުރާވަޑައިގަތީ ރޭގެ ވަގުތެއްގަ އެވެ.
ފޮރިން މިނިސްޓްރީން ބުނި ގޮތުގައި އެ ދަތުރަކީ ގުޅުން ބަދަހިކުރުމަށް ކުރައްވާ ދަތުރެކެވެ. އެ ދަތުރުގެ ތެރެއިން އެމެރިކާގެ ސެކްރެޓަރީ އޮފް ސްޓޭޓް އެތަނީ ބްލިންކެންގެ އިތުރުން އެ ގައުމުގެ ސަރުކާރުގެ އިސް އޮފިޝަލުންނާ ބައްދަލު ކުރައްވާނެ ކަމަށްވެސް ބުންޏެވެ.
ސައީދާއި ޝަހީމު ވަޑައިގެންނެވީ ޗައިނާއަށެވެ. އެ ދަތުރަކީ އިކޮނޮމިކް މިނިސްޓްރީން ބުނި ގޮތުގައި ވޯލްޑް އިކޮނޮމިކް ފޯޜަމުގައި ބައިވެރިވެވަޑައިގަތުމަށް ކުރައްވާ ދަތުރެކެވެ. އެ ދަތުރުގެ ތެރެއިން ޗައިނާގެ ކޮމާސް މިނިސްޓަރާ ބައްދަލުކުރައްވާނެ ކަމަށްވެސް ބުންޏެވެ.
ޝަހީމުގެ ދަތުރާ ގުޅޭ ގޮތުން އިސްލާމިކް މިނިސްޓްރީން ބުނީ އެ ދަތުރަކީ މި މަހުގެ 28 އަށް ޗައިނާގެ ސިންޖިއަން ރީޖަންގެ އުރުމްގީގައި ބޭއްވުމަށް ހަމަޖެހިފައިވާ ޗައިނާ-ޔޫރޭޝިއާ އެކްސްޕޯގައި ބައިވެރިވުމަށް ކުރައްވާ ދަތުރެއް ކަމަށެވެ.
މި ދަތުރުގައި ޗައިނާގެ މުހިންމު މިސްކިތްތަކާއި އިސްލާމީ އެކަޑަމީތަކަށް ޝަހީމު ޒިޔާރަތް ކުރައްވާނެ ކަމަށްވެސް ބުންޏެވެ.
ތާރިގު ވަޑައިގެންނެވީ ބޫޓާނަށެވެ. އެންވަޔަރަމަންޓް މިނިސްޓްރީން ބުނި ގޮތުގައި ތާރިގުގެ އެ ދަތުރަކީ މިއަދުން ފެށިގެން އަންނަ ބުދަ ދުވަހުގެ ނިޔަލަށް ކުރިއަށްދާ ސައުތު އޭޝިއާ ކޯޕަރޭޓިވް އެންވަޔަރަންމަންޓް ޕްރޮގްރާމް (ސަކެޕް) ގެ 16 ވަނަ ގަވަނިން ކައުންސިލް މީޓިންގައި ބައިވެރިވެ ވަޑައިގަތުމަށް ކުރައްވާ ދަތުރެކެވެ.
އެ ބައްދަލުވުމުގައި ސަކެޕްގެ މެންބަރު ގައުމުތަކުގެ އިތުރުން އެހެން ގައުމުތަކުގެ އެހެނިހެން އިދާރާތަކާ މަޝްވަރާ ކުރައްވާނެ ކަމަށްވެސް ބުންޏެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ސްޓެލްކޯ އިންޖީނުގެތަކުގެ މެނޭޖަރުންނަށް ބޭއްވި މަހާސިންތާ ނިންމާލައިފި
ހަށިވިއްކި މައްސަލަ: ދިވެހި މީހާ ދޫކޮށްލައިފައި، ތައިލެންޑު ތިން އަންހެނުން ބަންދަށް
ޖިނާއީ ކުށްތަކާ ގުޅިގެން ކުރާ ޖޫރިމަނާގެ ފައިސާ ނުދައްކާ މީހުން ޖަލަށް
ﷲ އަށް ވަކީލުކުރުމަކީ، ވަކީލުކޮށްފީމޭ ބުނެ ދެއަތް އުރައިލައިގެން ތިބުމެއް ނޫން
ވެރިކަމުގައި މިހާރު މި ހުރީ އިބްރާހިމް މުހައްމަދު ސޯލިހު ދެވަނަ: ހުސެއިން
ފެނަކަ ގާދިއްފުށި ބްރާންޗުގައި މެނޭޖަރެއް ހުއްޓައި އިތުރު މެނޭޖަރެއް ނެގި ވާހަކަ