ރާއްޖެއަށް ބަންގްލަދޭޝްގެ ލޭބަރުން ގެނައުމަށް ގާނޫނުން މިހާރު ކަނޑައަޅާފައި އޮތް 100،000 މީހުންގެ ލިމިޓު އުވާލަން ރައްޔިތުންގެ މަޖިލީހަށް ހުށަހަޅާނެ ކަމަށް ހޯމްލޭންޑް ސެކިއުރިޓީ މިނިސްޓަރު އަލީ އިހުސާން މިއަދު ވިދާޅުވެއްޖެ އެވެ.
މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީގެ މިއަދުގެ ބައްދަލުވުމުގައި އިހުސާން އެހެން ވިދާޅުވީ، ބަންގްލަދޭޝްގެ ލޭބަރުން ގެނައުމަށް ވަކި ލިމިޑެޓެއް ކަނޑައަޅާފައި އޮތް ސަބަބާއި އެއީ ވަކި ގައުމެއްގެ ބަޔަކަށް ތަފާތުކުރުން ނޫންތޯ ކޮމެޓީގެ މެމްބަރު އަދި މާފަންނު އުތުރު ދާއިރާގެ މެމްބަރު މުހައްމަދު ނާޒިމް ކުރެއްވި ސުވާލަށް ޖަވާބު ދެއްވަމުންނެވެ.
އިހުސާން ވިދާޅުވީ މި ވަގުތު ރާއްޖޭގައި އޮތް ލޭބަރުންގެ ޑިމާންޑާއި ކުރިއަށް އޮތް ތަނަށް އަންދާޒާކުރެވޭ ޑިމާންޑަށް ބަލާއިރުގައި، ބަންގްލަދޭޝްގެ 100،000 ލޭބަރުންގެ ލިމިޓަކީ އުވާލަންޖެހޭ ނިންމުމެއް ކަމަށް ދެކިވަޑައިގަންނަވާ ކަމަށެވެ. ނަމަވެސް އިތުރު ފިޔަވަޅުތަކެއް އެޅުމަށް ފަހުގައި ނޫނީ އެއީ ކުރަން ރަނގަޅު ކަމެއް ނޫން ކަމަށްވެސް ވިދާޅުވި އެވެ.
ރާއްޖޭގައި 280،000 އަށް ވުރެ ގިނަ ބިދޭސީ މަސައްކަތްތެރިން އުޅޭއިރު، އިހުސާން ވިދާޅުވި ގޮތުގައި ބޯޑާ ކޮންޓްރޯލް ސިސްޓަމާއި އެކްސްޕަރިޓޭޑް ސިސްޓަމް މެދުވެރިކޮށް ބެލި ބެލުމުން ރާއްޖޭގައި މި ވަގުތު 90،624 ބަންގުލަދޭޝްގެ މަސައްކަތްތެރިން އެބަ ތިއްބެވެ.
ނަމަވެސް ލިމިޓް ހަމަވާން ބާކީ 9،000 ޖާގަ އޮތުމުން އެ އަދަދަށް މީހުން ގެންނަން ސަރުކާރުން ދިން ހުއްދަ އާއެކު ކުރިން ބްލެކް ލިސްޓުކޮށްފައި ހުރި ބައެއް ކުންފުނިތަކަށް ދީފައި ހުރި ކޯޓާތަކަށް ގަވާއިދާ ހިލާފަށް ބޭރު މީހުން އެތެރެކޮށްފައިވާ ކަމަށް ވިދާޅުވި އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ސްޓެލްކޯ އިންޖީނުގެތަކުގެ މެނޭޖަރުންނަށް ބޭއްވި މަހާސިންތާ ނިންމާލައިފި
ހަށިވިއްކި މައްސަލަ: ދިވެހި މީހާ ދޫކޮށްލައިފައި، ތައިލެންޑު ތިން އަންހެނުން ބަންދަށް
ޖިނާއީ ކުށްތަކާ ގުޅިގެން ކުރާ ޖޫރިމަނާގެ ފައިސާ ނުދައްކާ މީހުން ޖަލަށް
ﷲ އަށް ވަކީލުކުރުމަކީ، ވަކީލުކޮށްފީމޭ ބުނެ ދެއަތް އުރައިލައިގެން ތިބުމެއް ނޫން
ވެރިކަމުގައި މިހާރު މި ހުރީ އިބްރާހިމް މުހައްމަދު ސޯލިހު ދެވަނަ: ހުސެއިން
ފެނަކަ ގާދިއްފުށި ބްރާންޗުގައި މެނޭޖަރެއް ހުއްޓައި އިތުރު މެނޭޖަރެއް ނެގި ވާހަކަ