ޗައިނާ-މޯލްޑިވްސް ފްރެންޑްޝިޕް ބްރިޖު ނުވަތަ ސިނަމާލެ ބްރިޖަކީ ރާއްޖެއާއި ޗައިނާއާ ދެމެދުގައި އޮތް އިތުބާރުގެ ރަމްޒެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް އެގޮތަށް ވިދާޅުވީ، 30 އޮގަސްޓް 2018 ވަނަ ދުވަހު ހުޅުވި ސިނަމާލެ ބްރިޖު ހުޅުވިތާ ހަ އަހަރު ފުރުން ފާހަގަކުރައްވައި ސޯޝަލް މީޑިއާގައި ކުރެއްވި ޕޯސްޓެއްގައެވެ.
ރައީސް ވިދާޅުވީ، ސިނަމާލެ ބްރިޖަކީ އިންޖިނިއަރިންގެ ކާމިޔާބީއެއްގެ އިތުރުން ހަމައެކަނި ރާއްޖޭގެ ރަށްތައް ގުޅުވާލަދިން ރަމްޒެއްވެސް ނޫން ކަމަށެވެ. އޭގެ އިތުރުން އެއީ ރާއްޖެ އާއި ޗައިނާއާ ދެމެދު އޮންނަ ދެގޮތެއްނުވާ ގާތް ރަހުމަތްތެރިކަމާއި ދެ ގައުމުގެ މެދުގައި އޮތް އިތުބާރުގެ ރަމްޒެއް ކަމަށް ވިދާޅުވި އެވެ.
ރައީސް ވިދާޅުވީ، އެ ބްރިޖަކީ ތަރައްގީއާއި ތަނަވަސްކަމަށްޓަކައި ރާއްޖެއާއި ޗައިނާގެ ހިޔާލު އެއްގޮތްކަމާއި އެއްބައިވަންތަ ވިސްނުމުގެވެސް ހެއްކެއް ކަމަށެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި މަސައްކަތް ފަށައި، އެ ވެރިކަމުގައި މަސައްކަތް ނިންމައި ހުޅުވި ސިނަމާލެ ބްރިޖަކީ ރާއްޖޭގައި މިހާތަނަށް ހިންގި އެންމެ ބޮޑު އެއް މަޝްރޫއު އެވެ.
ޗައިނާގެ ސީސީސީސީ ކުންފުނިން ހެދި އެ ބްރިޖަކަށް 200 މިލިއަން ޑޮލަރު ހަރަދުކުރި އެވެ. އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 72 މިލިއަން ޑޮލަރަކީ ޗައިނާގެ ލޯނު އެހީ އެވެ. ބާކީ 12 މިލިއަން ޑޮލަރު ހޭދަކުރީ ދިވެހި ސަރުކާރުންނެވެ.

ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު