ރާއްޖޭގެ ދެކުނަށް އޮންނަ ޗާގޯސް ޖަޒީރާގެ ރަށްތައް މޮރިޝަސްއާ އަނބުރާ ހަވާލުކުރަން އިނގިރޭސި ސަރުކާރުން މިއަދު ނިންމައި އެކަން އިއުލާންކޮށްފި އެވެ.
ޗާގޯސް ޖަޒީރީއަކީ އައްޑޫ ސިޓީގެ ދެކުނުން 400 އެއްހާ މޭލު ދުރުގައި އޮންނަ ޖަޒީރާއެކެވެ. އިނގިރޭސީން، ޗާގޯސް ޖަޒީރާ އިސްތިއުމާރުކޮށްގެން އުޅޭތާ 50 އަހަރު ފަހުން އެކަން ނިމުމަކަށް ގެންނަން އެއްބަސްވާކަން ހާމަކޮށްފައި ވަނީ އިނގިރޭސިވިލާތާއި މޮރިޝަސްގެ ބޮޑުވަޒީރުން ގުޅިގެން މިއަދު ނެރުއްވި ނޫސްބަޔާނެއްގަ އެވެ.
ނޫސްބަޔާނުގައި ބުނީ ޗާގޯސް ޖަޒީރާއަކީ މޮރިޝަސްގެ ސިޔާދަތީ ބާރު ހިނގާ ތަނެއްގެ ގޮތުގައި ބަލައިގަންނަން އެއްބަސްވީ އެ ޖަޒީރާގެ މިލްކުވެރިކަމާ މެދު އުފެދިފައިވާ މައްސަލަ ހައްލުކުރަން ދެ ގައުމުގެ ދެމެދުގައި ކުރިއަށް ގެންދިޔަ އަހަރެއްހާ ދުވަހުގެ މަޝްވަރާތަކަށް ފަހު ކަމަށެވެ. ނޫސްބަޔާނުގައިވާ ގޮތުން ޗާގޯސް އަނބުރާ މޮރިޝަސްއަށް ދެނީ އެމެރިކާގެ އަސްކަރީ މަރުކަޒެއް ގާއިމްކޮށްފައިވާ ޑިއެގޯ ގާސިއާ ނުވަތަ ފޯޅަވައްސާ ވެސް އެއްކޮށެވެ.
ފޯޅަވަހީގައި ހަދާފައިވާ އަސްކަރީ މަރުކަޒު މިހާރު ވެސް ބޭނުން ކުރަމުންދާ ގޮތަށް ބޭނުން ކުރުމުގެ ދެގައުމުގެ އިއުތިރާޒެއް ނެތް ކަމަށް ދެގައުމުން އެއްބަސްވެފައިވާ ކަމަށް ނޫސްބަޔާނުގައިވެ އެވެ. ފޯޅަވަހި ފިޔަވައި ޗާގޯސް ޖަޒީރާގެ އެހެން ރަށްތަކުގައި މީހުން ވަޒަންވެރިކުރުމުގެ ޕްރޮގްރާމުތައް ކުރިއަށް ގެންދެވޭނެ ކަމަށް އެ ނޫސްބަޔާނުގައިވެ އެވެ.
ޗާގޯސް މޮރިޝަސްގެ ތަނެއްގެ ގޮތުގައި ހަމަޖައްސާނީ ދެ ގައުމުގެ ދެމެދުގައި އެކުލަވާލާ ހާއްސަ މުއާހަދާއަކުން ކަމަށާއި އެ މުއާހަދާގައި ވީހާ ވެސް އަވަހަކަށް ދެ ގައުމުން ސޮއިކުރާނެ ކަމަށް ނޫސްބަޔާނުގައިވެ އެވެ.
ގުޅުންހުރި
ބައްސާމް ގަތް ދެ ޕެންޓްހައުސް ފުލުހުންނާ ހަވާލުކުރަން އަމުރުކޮށްފި
ފަތުރުވެރިކަން ފުޅާކުރުމަށް ސްޕޯޓްސް ޓުއަރިޒަމް ކުރިއެރުވިދާނެ: ޗަމްޕާ އަފީފް
ހިރިމަރަދޫގެ ފެނާއި ނަރުދަމާ ނިޒާމް ގާއިމްކުރުމުގެ މަސައްކަތް ނިންމާލައިފި
ބިދޭސީއަކު ފިލައިގެން ހުށަހަޅާ ރިޕޯޓް އަނބުރާ ގެންދާނަމަ 10،000ރ ދައްކަންޖެހޭނެ
ޕާކިން އިމާރާތްތަކުން ސްލޮޓް ވިއްކާނެ، އެތަނަށް ވެހިކަލް ރަޖިސްޓްރީ ކުރެވޭނެ: އަމީން
ޓޫރިޒަމްގެ ކާމިޔާބީ ދެމެހެއްޓުމަށް ދިވެހިންގެ އޮމާން ދިވެހި ގޮތްތައް މުހިންމު: ރައީސް