ފާއިތުވެ ދިޔަ އަހަރުތަކުގައި އެކި ސަރުކާރުތަކުން މަންދޫގައި މަޝްރޫއުތައް ހިންގާފައިވަނީ ވަރަށް މަދުން ކަމަށާއި މި ސަރުކާރުން އެހެންވިޔަ ނުދީ ގިނަ މަޝްރޫއުތަކެއް ކުރިއަށް ގެންދިއުމަށް އެ ރަށު ކައުންސިލުން ރައީސް ޑރ. މުހައްމަދު މުއިއްޒުގެ އަރިހުގައި އެދިއްޖެ އެވެ.
މަންދޫ ކައުންސިލުން އެގޮތަށް އެދުނީ އެ ރަށު އަންހެނުންގެ ތަރައްގީއަށް މަސައްކަތްކުރާ ކޮމިޓީ އާއެކު ރައީސް ޑރ. މުހައްމަދު މުއިއްޒު މިއަދު ބޭއްވެވި ބައްދަލުކުރެއްވުމުގަ އެވެ.
އދ. ދަނގެތި ކައުންސިލް އިދާރާގައި މިއަދު ހަވީރު ބޭއްވި ބައްދަލުވުމުގައި މަންދޫ ކައުންސިލުން ވަނީ އެ ރަށަށް އެންމެ ބޭނުންވާ ކަންކަން ފާހަގަކުރައްވައިފަ އެވެ. އޭގެ ތެރޭގައި:
- ރަށުގެ ސްކޫލަށް އިތުރު ކުލާސްރޫމް
- ސިއްހީ މަރުކަޒުގެ ހިދުމަތް އިތުރަށް ތަރައްގީކުރުން
- ބަނދަރު ތަރައްގީކުރުން
- އޭޓީއެމްގެ ހިދުމަތް ރަށުން ލިބުން
- ރަށުން މާލެއަށް ފަސޭހައިން ދެވޭނެ ގޮތެއް ހަމަޖެއްސުން
ރައީސް އޮފީހުން ބުނީ، ވައުދުވެވަޑައިގެންފައިވާ ކަންކަން ކުރިއަށްދާނެ ކަމަށާއި މުޅި ރާއްޖޭގައި އޭޓީއެމްގެ ހިދުމަތް ތައާރަފުކުރުމުގެ މަޝްރޫއު ފެށިފައިވާކަން އެ ބައްދަލުވުމުގައި ރައީސް ފާހަގަކުރެއްވި ކަމަށެވެ.
9 Comments
ގުޅުންހުރި
އަޅުގަނޑު މަގާމުތަކަށް މީހުން އައްޔަން ކުރަނީ ވައްކަންކޮށް ކޮރަޕްޝަން ހިންގާކަށް ނޫން:
އެންސްޕާއާ ގުޅޭ ކޮރަޕްޝަންގެ މައްސަލައެއް އަޅުގަނޑާ ހިސާބަށް އަދި ނާދޭ: ރައީސް
ފަޒުލްއަށް ތުހުމަތުވާ ހިޔާނާތާ ގުޅޭގޮތުން ޒުހޫރުގެ ސިޓީއެއް ލިބިފައިނުވޭ: ރައީސް
ފަޒުލްގެ ގާތް 15 މުވައްޒަފަކު އެޗްޑީސީގެ ވަޒީފާއިން ވަކިކޮށްފި
ބަދަލުދިން މައްސަލައިގައި ސޯލިހާއި ފައްޔާޒުގެ މައްޗަށް ޖިނާއީ ތަހުގީގެއް ހިންގަން ޕީޖީ
އެޗްޑީސީގެ އެމްޑީގެ މަގާމަށް މައުރޫފް ޖަލީލް އައްޔަން ކުރައްވައިފި