ރާއްޖޭގައި ސިނގިރޭޓު މަނާކުރައްވާނެ ކަމުގެ އިޝާރާތެއް ރައީސް ޑރ. މުހައްމަދު މުއިއްޒު މިރޭ ދެއްވައިފި އެވެ.
ރައީސް އެފަދަ އިޝާރާތެއް ދެއްވީ ރ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން ރ. އުނގޫފާރަށް ވަޑައިގެން އެ ރަށުގެ ރައްޔިތުންނާ ބައްދަލު ކުރައްވައި ވާހަކަފުޅު ދައްކަވަމުންނެވެ.
ރައީސް ވިދާޅުވީ، ސިނގިރޭޓު މަނާ ނުކޮށް ވޭޕް މަނާކުރީ އެ ކަމަކީ ދިވެހިންގެ ތެރެއަށް ވަރަށް ފަހުން ތައާރަފުވެ އަދި ދުންފަތުގެ އިސްތިއުމާލު ކުރުން ފަދައިން ދިވެހިންގެ ތެރޭގައި އަށަގަނެފައި އޮތް ކަމަކަށް ނުވާތީ ކަމަށެވެ.
”އެހެން ނަމަވެސް (ސިނގިރޭޓު) އެއްކޮށް މަނާކޮށްލުމަކީ ވޭޕާ މުޅިން ތަފާތު، އެއީ ވަރަށް ފަހުން އައި ކަމެއް، އެހާ ބޮޑަށް އަޅުގަނޑުމެންގެ ތެރޭގައި އަށަގަނެފައި އޮތް ކަމެއް ނޫން ދުންފަތުގެ އިސްތިއުމާލު ކުރުން ފަދައިނެއް ނޫން. އެހެންވީމަ ދެ ކަންތައް އެއްގޮތަކަށް ނުވަތަ އެއްފަހަރާ މަނާކުރުމަކީ އެގޮތަށް ކުރެވޭނެ ކަމަކަށް އަޅުގަނޑަކަށް ނުވިސްނޭ. އެހެންވީމަ ސްޓެޕް ބައި ސްޓެޕް ކުރަންޖެހޭނެ ކަމަކަށް ގަބޫލުކުރެވޭތީ އެގޮތަށް ފިޔަވަޅު އެޅީ،“ ރައީސް ވިދާޅުވި އެވެ.
އެ މަނިކުފާނު ވިދާޅުވީ، ރައްޔިތުން ސިނގިރޭޓުން ސަލާމަތްވެ، ސިއްހީ ގޮތުން ދުޅަހެޔޮ މުޖުތަމައުއެއް ގައުމުގައި ގާއިމުކުރެއްވުމަށް އިތުރު ފިޔަވަޅުތައްވެސް އެޅޭ ހިސާބަށް ގޮސްފިނަމަ އަޅުއްވާނެ ކަމަށެވެ. އަދި އެކަމަށް ރައްޔިތުންގެ ފުރިހަމަ އެއްބާރުލުން ބޭނުންވާނެ ކަމަށްވެސް ވިދާޅުވި އެވެ.
26 Comments
ގުޅުންހުރި
ޤައުމަކަށް ތަރައްޤީ ގެނެވޭނީ ހަމައެކަނި ޢިމާރާތްތަކެއް އެޅުމުގެ ބަދަލުގައި، ޒުވާން ޖީލަށް
އަންނަ ޖުލައި މަސް ނިމުމުގެ ކުރިން ރ. އަދި ބ. އަތޮޅުގައި
ހުރިހާ ސްކޫލެއް އޭސީކުރުމުގެ މަޝްރޫއު ސެޕްޓެމްބަރު މަހުގެ ނިޔަލަށް ނިންމާނަން: ރައީސް
ޑަބްލިޔުއެޗްއޯއިން އެމެރިކާ ވަކިވެއްޖެ، ޓްރަމްޕް ވިދާޅުވީ އެ ޖަމިއްޔާއިން ގައުމު ފެލައިފި
ސިނގިރޭޓުގެ އަގުބޮޑު ކުރީ ވަކި ބަޔަކަށް ފައިދާކޮށް، އާމްދަނީ އިތުރުކުރާކަށް ނޫން:
ނޮޅިވަރަންފަރުގައި ޓޫރިސްޓަކު ރޭޕްކުރަން އުޅެފި