ޕީޕީއެމް އުވާލައިފި

ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އުވާލައިފި އެވެ.

އިލެކްޝަންސް ކޮމިޝަން (އީސީ)ން މިއަދުކުރި އިއުލާނެއްގައި ބުނީ ސިޔާސީ ޕާޓީގެ ގާނޫނުގެ 30 ވަނަ މާއްދާގެ (ހ)ގެ 2 ވަނަ ނަންބަރުގައިވާ ގޮތުގެމަތިން ޕީޕީއެމް އުވާލުމަށް އެ ޕާޓީގެ ސެނެޓުން ނިންމައި، ފުރިހަމަ ކުރަންޖެހޭ ކަންކަން ފުރިހަމަކޮށް އީސީއަށް ހުށަހަޅައިފައިވާތީ މިއަދުން ފެށިގެން ޕީޕީއެމް އުވާލައި އެ ޕާޓީ ސިޔާސީ ޕާޓީގެ ދަފްތަރުން އުނިކުރިކުރުމަށް ނިންމައިފައިވާ ކަމަށެވެ.

ޕީޕީއެމް ސެނެޓުން އެ ޕާޓީ އުވާލުމަށް ފާސްކޮށްފައިވަނީ މިދިޔަ މަހުގެ ދެވަނަ ދުވަހުގައެވެ.

އެ ނިންމުން ފާސްކޮށްފައިވަނީ ސެނެޓުގެ އެ ބައްދަލުވުމުގައި ބައިވެރިވި 42 ސެނެޓަރުންގެ އިއްތިފާގުންނެވެ.