ވައިގެ މަގުން ގަވާއިދާ ހިލާފަށް ރާއްޖެއަށް އެތެރެކުރަން އުޅުނު 2062 ވޭޕްކުރާ ސާމާނު, މޯލްޑިވް ކަސްޓަމްސް ސާވިސްއިން އިއްޔެ އަތުލައިގެންފި އެވެ.
ކަސްޓަމްސް އިން ބުނީ އެ ތަކެތި ފެނުނީ މެލޭޝިޔާއިން އިއްޔެ ރާއްޖެ އައި ތިން މީހެއްގެ ލަގެޖުން ކަމަށެވެ.
ކަސްޓަމްސްއިން 2،062 އައިޓަމް އަތުލިއިރު އޭގެ ތެރޭގައި ހިމެނެނީ:
– ނެނޯ ސްޓިކް: 1،714
– ޓެރިއާ ސްޓިކް: 200
– ކެލިބާން ކާޓްރިޖް: 96
– ވީމޭޓް ކާޓްރިޖް: 20
– ވޭޕް ފްލޭވާ ލިކުއިޑް (ފުޅި)؛ 2
އިއްޔެ 2،000 އަށްވުރެ ގިނަ ވޭޕްގެ ސާމާނު އަތުލައިގެންފައި ވާއިރު، މިމަހުގެ ހަ ވަނަ ދުވަހު ކަނޑުމަގުން ވިޔަފާރި ބަނދަރަށް އެތެރެކުރި ޝިޕްމަންޓެއްގައި ފޮރުވައިގެން ވަގަށް ގެނައި 400 ވޭޕް ސާމާނު ވެސް ވަނީ އަތުލައިގެންފަ އެވެ.
މިދިޔަ ޑިސެމްބަރު މަހުގެ 15ވަނަ ދުވަހުން ފެށިގެން ރާއްޖޭގައި ވޭޕް ބޭނުން ކުރުން ވަނީ މަނާކޮށްފައެވެ.
ރާއްޖޭގައި ވޭޕް ބޭނުން ކުރުމާއި އޭގެ ވިޔަފާރި ކުރުމަކީ މިހާރު ގާނޫނީ ގޮތުން ކުށެކެވެ.
ދުންފަތް ކޮންޓްރޯލް ކުރުމާ ބެހޭ ގާނޫނަށް ގެނައި އިސްލާހާއެކު ހިލޭ މީހަކަށް ވޭޕެއް ދިނަސް 10،000 ރުފިޔާގެ އަދަދުން ޖޫރިމަނާ ކުރެވެ އެވެ. އަދި ވޭޕް ބޭނުންކުރާ ކޮންމެ މީހަކު 5،000ގެ އަދަދަކުން ޖޫރިމަނާ ކުރެވެ އެވެ.
އަދި ވޭޕް ވިއްކައިފި ނަމަ 20،000 ރުފިޔާގެ އަދަދަކުން ޖޫރިމަނާ ކުރާއިރު ވިއްކި ކޮންމެ ވޭޕަކަށް 10،000 ރުފިޔާގެ ޖޫރިމާނާއެއް އަންނާނެ އެވެ.

2 Comments
ގުޅުންހުރި
ޑިއުޓީ ފްރީން ވަގަށް ސިނގިރޭޓް ބޭރުކުރަން އުޅުނު ދެ މީހުން ދޫކޮށްލައިފި
ވައިގެ މަގުން އެތެރެކުރަން އުޅުނު ކިލޯއެއްގެ ޑްރަގްސް އަތުލައިގެންފި
ޑުރަގުގެ ބޮޑު ޝިޕްމަންޓެއް އަތުލައިގެންފި، އަގު 6.7 މިލިއަން ރުފިޔާ!
ސިނގިރޭޓް ކާޓަންތައް ގެއްލުން: ވެއާހައުސްގެ ރަޖިސްޓްރީ ބާތިލުކޮށް 67 މިލިއަން ރުފިޔާ
ހޯކްސް އިން މެންޗެސްޓާ ބްރޭންޑުގެ ސިގްރޭޓް ވަގަށް އެތެރެކުރި މައްސަލައެއް ތަހުގީގު
ކަސްޓަމްސް އޮފިސަރުންތަކެއްގެ އެކައުންޓުތަކުން 400 މިލިއަން ރުފިޔާ ދައުރުކުރި މައްސަލައެއް