ތިން ރީހެބިލިޓޭޝަން ސެންޓަރެއް ރިމާންޑު ފެސިލިޓީގެ ގޮތުގައި ކަނޑައަޅައިފި

ދެކުނުގެ ތިން ރަށެއްގައި ހުރި ރިހެބިލިޓޭޝަން ސެންޓަރުތައް، ރިމާންޑު ފެސިލިޓީގެ ގޮތުގައި ކަނޑައަޅައިފި އެވެ. މިއީ މަސްތުވާތަކެތި ބޭނުންކުރާ މައްސަލަތަކުގައި ހައްޔަރުކުރާ މީހުން ބައިތިއްބަން ވެގެން ނިންމި ނިންމުމެކެވެ.

ހޯމްލޭންޑް މިނިސްޓްރީން ނެރުނު އިއުލާނެއްގައިވާ ގޮތުގައި ރިމާންޑު ފެސިލިޓީގެ ގޮތުގައި ކަނޑައެޅީ:

ތިނަދޫ ސިޓީ ޑްރަގު ޑިޓޮކްސިފިކޭޝަން އެންޑް ކޮމިއުނިތީ ރިހެބިލިޓޭޝަން ސެންޓަރު

ފުވައްމުލައް ސިޓީ ޑްރަގް ޑީޓޮކްސިފިކޭޝަން އެންޑް ކޮމިއުނިޓީ ރިހެބިލިޓޭޝަން ސެންޓަރު

އައްޑޫ ސިޓީ ހުޅުދޫ ވިލުނު ސެންޓަރު

މަސްތުވާތަކެއްޗާ ބެހޭ ގާނޫނުގެ ދަށުން މަސްތުވާތަކެތި ބޭނުންކޮށްގެން ހައްޔަރު ކުރެވޭ މީހަކީ ފަރުވާ ދޭންޖެހޭ މީހެއް ކަމަށް ފުލުހުންނަށް ގަބޫލު ކުރެވިއްޖެ ނަމަ، އޭނާ ޖަލުގައި ބަންދު ކުރުމުގެ ބަދަލުގައި ބަންދު ކުރަން ޖެހޭނީ ޑްރަގް އޮފެންޑާސް ރިމާންޑު ސެންޓަރެއްގަ އެވެ.

ނަމަވެސް މިކަމަށް ހާއްސަކުރެވިފައިވާ ތަންތަން ނެތުމުން މަސްތުވާތަކެތި ބޭނުންކުރާ މައްސަލަތަކުގައި ހައްޔަރުކުރާ މީހުން ބަހައްޓަން މަޖުބޫރުވެފައި ވަނީ އެހެން ކުށްތަކުގައި ބަންދުކުރާ މީހުންނާއެކީ ކަސްޓޯޑިއަލް ޖަލުތަކުގަ އެވެ.