އިޒްރޭލުން ރޭ ދަންވަރު ދިން ހަމަލާތަކާ ގުޅިގެން އީރާނުން ބަދަލު ހިފުމުގެ ރަތް ދިދަ ނަގައިފި އެވެ.
އިރާންގެ ފާސް ނިއުސް އެޖެންސީން ވަނީ އީރާންގެ ގޮމް ސިޓީގައި ހުންނަ ޖަމްކަރާން މިސްކިތުގައި ރަތް ދިދަ ނަގާ މަންޒަރު ފެންނަ ވީޑިއޯ އެއް އާންމުކޮށްފަ އެވެ.
އީރާނުން ނަގާ ރަތް ދިދައިގެ މާނައަކީ، ނުހައްގުން ލޭ އޮހޮރުވާލީ ކަމާއި އެކަމުގެ ބަދަލު ހިފަން ތައްޔާރަށް އޮތްކަން ހާމަކޮށްދޭ ކަމެކެވެ. އީރާނުގެ މިސްކިތްތަކުގައި އާންމު ގޮތެއްގައި ރަތް ދިދަ ނަގަނީ މުހައްރަމު މަހުގަ އެވެ. އެ މަހުން ބޭރުގައި ރަތް ދިދަ ނެގުމަކީ ވަރަށް ނުކުރާ ކަމެކެވެ.
އީރާނުން ބަދަލުހިފުމުގެ ރަތް ދިދަ ނަގާފައި މި ވަނީ އީރާނުގެ ސިފައިންގެ އެންމެ އިސް ވެރިޔާ ޗީފް އޮފް ސްޓާފް ޖެނެރަލް މުހައްމަދު ބަގޭރީ އާއި އީރާނުގެ އިންގިލާބީ ފައުޖުގެ އިސްވެރިޔާ، ހުސައިން ސަލާމީ އަދި ހަ ނިއުކްލިއާ ސައިންޓިސްޓުން އަވަހާރަކޮށްލާފައި ވަނިކޮށެވެ.
ތާރީހަށް ބަލާއިރު މުހައްރަމު މަހުގެ ބޭރުން ރަތް ދިދަ ފުރަތަމަ ފަހަރަށް ނެގީ 2020 ގައެވެ. އެއީ އެމެރިކާ އިން ދިން ހަމަލާއެއްގައި އީރާނުގެ ސަލާމަތީ ބާރުތަކުގެ އިސްވެރިޔާ ގާސިމް ސުލައިމާނީ އަވަހާރަކޮށްލުމާއި ގުޅިގެންނެވެ.
އެ ފަހުން މިދިޔަ އަހަރުގެ ޖުލައި މަހުވެސް އިރާނުން ރަތް ދިދަ ނެގި އެވެ. އެ ފަހަރު އެ ދިދަ ނެގީ ފަލަސްތީނުގެ ރައްޔިތުންނާ ދެކޮޅަށް ހިންގާ ލާއިންސާނީ ގަތުލުއާންމާ ދެކޮޅަށް ޖިހާދުކުރާ ހަމާސްގެ ލީޑަރު އިސްމާއިލް ހަނިއްޔާ އަވަހާރަކޮށްލުމުންނެވެ. ހަނިއްޔާ އަވަހާރަކޮށްލީ އީރާނުގެ އާ ރައީސް މަގާމުގެ ހުވައި ކުރެއްވުމުގެ ރަސްމިއްޔާތުގައި ބައިވެރިވެ ވަޑައިގަތުމަށް އީރާނުގެ ވެރިރަށް ތެހެރާން ގައި ހުންނަވަނިކޮށެވެ.
15 Comments
ގުޅުންހުރި
އެމެރިކާ އިން ނިއުކްލިއާ ހަތިޔާރު ޓެސްޓު ކުރަން ފަށަން ޓްރަމްޕް އަމުރުކޮށްފި
އިޒްރޭލުގައި ހަލުވިކަމާއެކު ހިމަބިހި ފެތުރެނީ, ކޮންޓްރޯލް ނުވެ މިހާތަނަށް އަށް ކުދިން
ވެރިކަމުން ދުރުކުރި މަޑަގަސްކަރައިގެ ރައީސްގެ ރައްޔިތުކަން އަތުލައިފި
އަންނަ އަހަރު ބާއްވާ އިންތިހާބުގައި ވާދަކުރާނަން, ކާމިޔާބުވެސް ކުރާނަން: ނަތަންޔާހޫ
އެއްބަސްވުމާ ހިލާފުވެ, އިޒްރޭލުން އެއް އާއިލާއެއްގެ 11 މެންބަރުން ޝަހީދުކޮށްލައިފި، ގިނައީ
ދެ އަހަރަށްފަހު ޣައްޒާގެ އެންމެ ބޮޑު މިސްކިތުގައި ޖަމާއަތުގައި ނަމާދުކުރުމުގެ ފުރުސަތު