ކުޅުދުއްފުށީގައި ދުވަން ދިޔަ މީހަކު ސްޓޭޑިއަމް ފާހާނާ ތެރޭގައި މަރުވެފަ އޮއްވާ ފެނިއްޖެ

ކުޅުދުއްފުށި ސިޓީގައި ދުވަން ދިޔަ މީހަކު އެ ރަށު ސްޓޭޑިއަމްގެ ފާހާނާ ތެރޭގައި މަރުވެފަ އޮއްވާ ފެނިއްޖެ އެވެ.

ފުލުހުން މިއަދު ބުނީ ގެއްލިގެން ހޯދަމުން ދަނިކޮށް ނިޔާވެފައި އޮއްވާ ފެނުނީ ހދ. ކުޅުދުއްފުށީ، ޖިފުޑީ 67 އަހަރުގެ ހަސަން މޫސާ ކަމަށެވެ.

ފުލުހުން ބުނީ ހަސަން މޫސާ ހޯދުމުގެ މަސައްކަތް ފުލުހުން ކުރަމުން ދަނިކޮށް ކުޅުދުއްފުށީ ޒޯން ސްޓޭޑިއަމް ފާހަނަ ތެރޭގައި ވެށްޓިފައި އޮއްވާ ފެނިގެން ހޮސްޕިޓަލަށް ގެންގޮސްފައިވާ ކަމަށެވެ.

ހަސަން މޫސާ ހޮސްޕިޓަލަށް ގެންދިޔައިރު ވެސް ނިޔާވެފައިވާ ކަމަށާއި އޭނާގެ ބޭރުފުށުން އެއްވެސް އަނިޔާއެއް ފެންނަ ނެތް ކަމަށް ހޮސްޕިޓަލުން މައުލޫމާތުދީފައިވާ ކަމަށް ފުލުހުން ބުންޏެވެ.

މި މައްސަލަ އިތުރަށް ތަހުގީގުކުރަމުންދާ ކަމަށް ފުލުހުން ބުންޏެވެ.